套黃金夾真係好好睇, 10分我比8.5分. 未睇以為係套好悶既宮庭戲, 點知成2個鐘一d悶場都冇. 鞏利, 劉燁做得最好.
鞏利一出場你既視線可能停留0係佢跨張既身材
, 但係慢慢地, 你會被佢既演技完全吸引住. 演活0左果種因為仇恨而反抗到底既女性, 我諗亞洲女演員, 都係佢演得最入形入格. 劉燁演果個 "打壞" 太子, 又係入形入格. 發哥都好落力去做佢既皇帝. 周杰倫就真係仲有好多野要學啦. 不過佢個角式都幾令人討好, 成家基本上得佢最正常, 因為考義, 義無反顧, 明知不可為而為之.
以前對大陸導演拍d所謂既"大片"都好怕, 得個華麗浮誇. 但呢套除0左華麗, 仲有好多野睇. 將一個天水圍有倫常問題既家庭故事放大在皇室入面拍. 好正.
最後一提既係如果你係睇dvd既, 一定要揀聽國語, 廣東話配音真係差得太遠.
係DVD 還是新戲啊﹖不過我都要等一排先可以睇下有冇得睇囉
回覆刪除套戲香港0岩0岩出dvd, 套戲會唔會0係美國上就唔知啦. 我諗過一排唐人街一定有dvd賣. http://ent.sina.com.cn/hjj/
回覆刪除唔該晒radhk 兄既info. 搬左去東岸﹐要等到去NY先可以搵囉。睇睇有冇朋友返香港先
回覆刪除