2007年3月26日 星期一

睇來真係仲有排捱

份驗血報告話冇咩特別野, 咁肝d陰影又可以繼續唔理佢住. 即係又要繼續投入工作啦.
真係老啦, 發覺訓得少真係唔得. 尋日老細last minute先通知今日要搞個 One-day training. 雖然只係吹一日水, 冇lab做, 而我吹一日水我基本上係唔多駛準備, 但點都要執下d training material, 同印幾份hard copy比d客. 衰在附近間影印鋪星期日係唔開, 咁只好用屋企部printer自己print, 搞下搞下又搞到今朝2點幾, 訓0左4粒鐘又要趕住9點到個客到.
一路講一路講, 訓唔夠既情況下, 意識入0左半自動波 . 本來一路用廣東話講, 都唔知點解突然會爆0左句國語, 又話者爆0左成句英文, 真係失禮死人.
本來連續飛0左2個星期, 今個星期老細會比我0係香港, 點知尋日又話星期三要飛啦, 一路殺到去下個星期六, 連2日紅日清明, 復活節假期都食埋我. 真係慘情. 我發覺咁飛法開始有dd力不從心, 我仲諗住有個長dd既假休息下. 
仲有因為飛去果個國家比較遠, 3/31 - 4/1個星期六日都冇得番香港, 而我既西班牙語課唯有被迫走堂. 雖然果個國家我係未去過, 但今次出trip睇來損失都好大.  有冇得say no..., 係冇, 因為我年資最細, 唔係我去, 邊個會假期都去開工...
成日諗如果份驗血報告話有事, 咁就可以即刻同老細say no. 睇來我真係仲有排捱.
呢次出差, 可以去一個未去過既城市, weekend又可以stay 0係果度. 久違了既出差興奮又回來了.  btw, 都係時候0係出差之前再將頭髮剷短lu.

2007年3月23日 星期五

台北

台北, 呢排出差去得咁密, 雖然沒有正式統計, 不過台北應該係香港以外, 我留得最長時間既城市. 原來之前, 冇咩寫過有關台北既野.
誠品書店
台北去0左咁多次都冇認真去行過d書店. 酒店附近, 其實有間誠品. 沿住信義路一路行, 見到新光三越就到.


呢間好似係旗艦店, 成座都係誠品.

或者正確d講係以書店為主題既商場. 因為入面有食肆, 有商店.

地下一點也不像書店.

書店由二樓開始.


都有唔少地方可以慢慢睇書.

坐0係圓型書架中, 四周都係書, 好似睇書都會睇得快d.

淨係我最鍾意睇既旅遊書, 都有好幾個大書架. 0係書店2個鐘, 淨係睇d旅遊書都睇唔晒.

不過, 我無留意到, 原來書店入面係唔比影相,  所以影完上面幅相, 0係個店員提醒下唯有收埋部相機.
台北美食
食物基本完全合晒口胃,  而且價錢相對比香港便宜. 出差有個好處係, 實報實銷, 所以食物既價錢唔係最大既問題, 最大既問題反而係你既肚子能裝多少. 好似早幾日去食韓燒任食, 坐低之後侍應問要唔加個火窩來個 "雙併". 我又好似未試過一路食韓燒一路打邊爐, 咁就叫侍應再加個火窩, 最後既結果當然又係食到捧住個肚行出來.
台北酒店
呢份工出差有個好處係可以自己揀酒店. 一般我都會揀近工作地點. 因為好怕每日要坐好耐車往番工作地點同酒店. 唔好以為我旅行只住d平價床位, 我對酒店就唔會有要求. 事實上一張舒服既床, 同齊全既設施, 對出差工作好重要.
0係台北咁細既地方, 交通又唔會好塞車, 所以基本上揀邊間都差不多, 唔會好遠. 0係台北我住酒店既首選會係Grand Hyatt, 一來近101, 食野好方便, 二來又可以儲分轉去asiamiles. 而且張床真係幾舒服.
次選會係Crowne Plaza, 主要都係因為可以儲分轉去asiamiles, 叫做以前係holiday Inn, 價錢幾平, 上網又唔駛另收錢. 不過, 地區就離101遠一點. 而且有點舊.

http://www.crowneplaza-taipei.com/frame1.htm
今次台北唔知係咪有咩exhibition, Hyatt最平都要成八千幾台幣, 太貴住唔起. 次選Crowne Plaza又一間房都冇.
咁我下一個選擇係一間叫Tango既台北商務酒店. http://www.thetango.com.tw/ 地點都幾近101, 近永春捷運站. 包唔錯既早餐, 上網又係免費.
雖然係2, 3星既小酒店, 但設備一d都唔差.   有42" pioneer plasma + 5.1 speaker system.

間房既電器, 燈光就係靠呢個remote.

仲有個圓形既按摩浴缸.  一路浸一路可以睇電視. 

廁所同浴室都好企理.


係個洗手盆設計差dd, 一開水, d水周圍淺.

台北人
基本上都係幾好人, 而且國語接受能力好強, 我d咁難既國語, 好多音都唔正, 但佢地都聽得明白. d的士司機都好健談, 不過成日將話題拉到他們的阿扁身上. 有樣令我費解既係台北d的士司機, 如果問我0係邊到人, 十個有十個第一句都問我係咪星加坡人.
BTW, 今次0係台北番香港又遇到識既人, 係舊同事, 又係好0岩同我一樣本來坐 8:20 pm, 改到 6:40 pm番香港班機, 同一班機番香港. 真係好巧合.



2007年3月21日 星期三

越忙越煩躁

有時0係site到自己都搞到一頭煙, 仲幾個唔同地方既partner係咁call你要咩, 要咩support. 真係好煩, 之前又冇同我老細定schedule要咩resource, 我個手機唔係敢命鐘. 我真係冇時間又分唔到身support佢地, 所以, 好多時都會語氣唔多好叫佢地直接搵我老細.
呢個例子可能極端d, 不過, 有時好忙, 我覺得我睇野都會有幾大既偏差. 好似日間好忙時睇一封email, 我覺得問野個人好無禮貌, 所以冇覆到. 但今晚再睇番封email, 又覺得唔係太差, support既野點都要覆既.
呢個都係我一大缺點.



2007年3月18日 星期日

曼谷 II

補番幾張相先.  其實都唔係影0左幾多相, 因為一般放工時都差不多天黑.
本來諗住去Wat Po影卧佛, 點知原來都幾早關門, 只係影下附近d野.






之後行去河邊影下日落.

再番轉頭去China Town.


夜晚都幾多熟食檔.

中國城... 不過係食肆.



0係南星試下d翅, 300泰銖.  都幾多料.



之後坐MRT番酒店, 泰國既MRT相對唔算好多人搭.



d人對泰皇既尊敬真係好厲害, 基本上成條街都有泰皇既畫像, 酒店有.



機場一定唔少得.



酒店告示, 看圖識字.



不過我就唔覺意帶0左個有榴槤味既月餅.



泰國新機場幾大, 仲有幾多分岔路, 分D, E, F, G...區, 去d登機口都要行幾遠. 都係香港機場設計得好d.



當然唔少得放d泰國特色野係機場.