2006年10月29日 星期日

本地足球 - 支持南華, 支持香港足球


記得細個入大球場睇波, 入場有萬零二萬人係好平常. 近年, 已經比較少留意本地波, 只係知道入場睇波只係小貓三四隻.
今年, 足總挽留南華, 唔駛降班, 南華唔再用青春班, 本地足球有少少起色, 入場都人數都有1, 2千人.
尋日, 好好陽光, 又係旺角場打, 好耐冇入場睇本地波, 咁就順便入場影下野.

一早入場, 大把位坐.

入場都幾多上年紀既人仕, 佢地都好多時會"話當年". 講番以前香港足球既威水史.

之後都幾多人入場.

呢場入場有2,800人, 仲未計d免費入場人仕.

頭場愉園對公民.


睇實個紅boot仔呀.

喂!!!!! 果邊呀.

旁證話你好似唔過頭.

李偉文話, 車, 斬腳波都冇力.

要換人, 停一停.


差d入波.


C兄d炮當然火力十足.



快你一步, 你頂唔到啦.



最多人識既香港隊龍門, 今場冇得踢.

猛虎射球.

又offside啦.



過硬你啦.

仲唔係頂你死角.

終於到南華出場對流浪. 現場真係有擁南fans.

又來遲一步啦.



冇作用既前鋒.

歐生被投閒置散.

笑住來追.

入球幾easy.

你咪駛指意過我.

流浪幾件外援好氣好力.

阿曼龍要諗諗計啦.

輸3粒, 睇怕你都好快被人炒啦.






2006年10月25日 星期三

終於有假放


有一個星期假, 諗緊去邊到. 心目中首選去呢度.
仲有一個星期就出發了, 機票0岩0岩攪好, 有一兩程機冇得打折, 有d貴.
香格里拉, 我來了.


2006年10月20日 星期五

原來個event有裝webcam

http://www.msforum.org/webcams/webcams.shtml
可惜我0係日本既任務已經完成, 唔係大家可以0係上面見到我出現.
其實今次event, 見到舊公司既同事, distributor, 雖然之前未見過, 只係email上來往, 不過感覺特別親切. 傾番舊公司既一事一物, 以經夠吹成晚水.



2006年10月17日 星期二

日本人真係厲害

今次有幸去日本做野. 真係見識到日本人既厲害, 個schedule係 8am - 10pm, 星期一至七.
做到8點幾, 問佢地有冇安排食晚飯時間, 佢地話冇.
老實講, 因為好少機會去日本出差, 我都想有時間行下, 去買下野. 照咁睇機會都幾微.
日本人真係全部都好友善, 好客氣. d地方乾淨到有d恐怖. (新加坡都仲差好遠). 雖然佢地都人多車多, 但一d都冇香港果種混濁既感覺. 而且佢地仲有藍天.
我對每個地方既觀感其實都幾受工作影響. 希望今次有多d好既經歷, 中和番.
另外, 真係好想放假, 即刻同老細申請先.



2006年10月11日 星期三

傷風定感冒?

出差最辛苦就係病. 有時病病地但又冇發燒, 機票同酒店都訂晒, 好難同老細講話唔去.
超長既工作時間, 加上個人呆呆地, 的確唔易捱. 今晚走0左去屈人仕諗住買d傷風藥, 睇晒得一隻台製寫住傷風既藥, 其餘都係寫住感冒藥, 咁就問藥房個姐姐仔有冇第二隻傷風藥. 點知個姐姐仔話隻隻都係, 傷風即係感冒, 買感冒藥就0岩.


2006年10月8日 星期日

愈來愈冇心機攪PC野

屋企部腦唔好彩中0左infostealer, 點都都clean唔到.  safe mode, manual clean...都唔得. 
唯有出殺手鐧, format harddisk and restore 番個舊image, 點知restore 完win2000居然boot唔起.  連safe mode都boot唔起.
搞0左2, 3日都唔知咩事. (第一次restore呢個image, 唔通個image有問題?)
上網search下, search 0左一排, 終於有d information比到d啟示, 原來restore後如果hard drive既數目唔同都有影響, 有可能boot唔起.
原來係之前中毒, 自己將store data幾隻harddisk disconnect 0左, restore之後冇接番. 原來咁都有關係, 真係吹脹.  真係浪費0左我唔少時間.





2006年10月5日 星期四

公屋

自細公屋長大, 對公屋呢2個字有d感情, 以前家家戶戶打開門, 由走廊頭到走廊尾戶戶都熟. 放0左學基本上就係變成走廊既"童黨". 隔離鄰舍既小朋友, 可能係同班同學, 所以關係好密切. 而家可能冇呢枝歌仔唱.
以前住既公屋已經拆0左, 好可惜當年冇咩點影相. 早幾日經過九龍灣. 有少少空閒時間, 走0左去牛頭角村影番幾幅懷緬下過去.
已關門既冰室

好多地方都上0左鎖

或已回收



或人去樓空

細個覺得公屋既樓梯係幾恐怖.

沒有小朋友既走廊

out focus加d迷幻feel

舊事舊物



你細個有冇爬過呢d窿窿?


好典型既鐵閘


細個快樂既回憶, 部份應該來自樓下既玩具店

呢次係我第一次0係香港影呢d相. 一行入樓, d人見你拎住部機, 已經望主晒, 我真係唔敢舉起部機影人. 又試過有人行埋來問我做咩, 係邊間公司, 來影d物, 影來有物用途... 仲唔雞咁腳走咩... haha....