2012年12月30日 星期日

昆明新機場

睇返資料, 原來係今年6月開始使用. 外觀金碧輝煌, 遠望都幾搶眼.



室內天花佈局似北京機場.



老實講, 0係大陸云云新建機場, 其實都大同小易. 無咩值得好提.

令我難忘既係個機場第一次0係冬天營運, 候機室居然無打算為旅客提供空調. 或者主事者一向認為昆明四季如春, 都唔會點凍.

今日昆明氣溫驟降, 候機室的氣溫只有2.5度, lounge入面既情況稍為好一d.

 雖然lounge都係0係open area. 不過, 入面不停有熱飲及杯麵供應.

難為了候機室等上機的乘客, 個個包到實. 又或者要沿地跑做暖身運動.



不斷有乘客向航空公司, 機場地勤抱怨, 投訴. 得到既回覆係, 佢地員工0係咁凍既環境工作, 其實都好慘. 呢個問題佢地都想搵人解決.





2012年12月10日 星期一

新成員居然係死馬鏡頭












副廠鏡以往比人既印象係平, 但樣樣差dd. 但睇睇下面新sigma既鏡頭, 外型已經殺低原廠.




而且網上口碑唔錯. 而價錢只係原廠既一半, 就已經可以擁有1.4大光圈. 又點會唔令人心動.

趁今日好天, 走出去試試枝鏡.

枝鏡好sharp, 睇原相放大時, 第一次覺得鏡頭既解像度超越0左依家用緊既舊相機. 全開1.4光圈都可以用. 色彩, 對比都得, 本來我習慣用vivid mode影相, 呢枝鏡我要轉返用standard mode.

2012年12月6日 星期四

Winterplay in Hong Kong Winter

上次睇佢地原來係summer, http://blog.yahoo.com/radhk/articles/79688.

終於有機會0係冬天睇Winterplay. 地點係柴灣. 原來柴灣有個咁表演場地. 都係第一次去.



其實最後一兩日先決定可以去. 前面位置買唔到, 就索性買 "山頂" 位. 



不過, 真係大錯特錯.

個表演場地音響調節到由台中發聲. 沒有被Jazz音樂包圍既感覺, Jazz 既感染力就少好多. 感覺要到中段先可以投入整個Jazz Show.

第一幅出邊個既相, 大家實估到一定係女主音. 靚女一定有著數既.






沒有李柱翰, 就沒有Winterplay, 沒有李柱翰既小號. Winterplay既音樂就沒有驚喜.




好少見佢地合唱.





其他成員就好似有D變動. 起碼多0左個和音.





估唔到玩埋表演嘉賓. 有D似韓版學友. 預祝各位聖誕快樂.



最後encore再encore,






2012年11月29日 星期四

夠鐘起身?

對上一間公司, 都係怕0左d辦公室政治, 所以選擇起身走人.

0係依家呢間公司都6年幾. 人少少, 同事間都係幹實事, 總算0係商業社會中既"人間淨土".

但今日, 上面老細無啦啦比人叮走. 睇來又將會有一場順我者生既場面. 或者又係我夠鐘起身既時候.

2012年11月20日 星期二

秋高氣爽 - 宜郊遊


好耐都無去探史諾比啦.



原來對上一次已經係三年前既事.

http://blog.yahoo.com/radhk/articles/79581

今次無上之行鑊甘. 只係由西灣亭起步. 輕輕鬆鬆入大浪西.



天氣雖然唔好, 影相效果麻麻. 不過好處係行得舒服.



必經的獨木橋.



半hea, 半行下. 好早已經可以出返市區. 朋友推介以自助遊為主題的Cafe.

http://www.facebook.com/thealchemistcafebistro?sk=timeline





















2012年11月11日 星期日

胡琳又出新碟啦

Jazz Them Up 絕對係一隻0係我屋企播放率極高既碟.   胡琳出道六年, 兩年前Jazz Them Up絕對係令佢讓更多人認識.

或者佢既音樂, 現時0係香港樂壇依然並非最主流, 但今年可以出兩隻專輯, 連續兩年開個人演唱會. 成績可以算係非常不俗.

尋日有幸出席短短的分享會. 主角除0左胡琳, 仲有KEF既型仔speaker, Blade.



除0左胡琳外, 佢個經理人, Patrick亦有出席. 以往心目中d經理人, 或者只係安排下宣傳, 傾下合約. 但聽完Patrick既講解, 對 "經理人" 三個字又有更進一步既認識.



影既相唔多, 送上兩張胡小姐既相.





另外現場買碟, 除0左有即場簽名. 仲平過出面$15大元. 至於呢隻碟好唔好聽, 我仲未有時間聽tim.