很快沒有冬天了

今朝執衫準備出差, 睇睇台北天氣報告, 同香港差不多, 最高成廿五, 六度. 看來很快香港及鄰近地區會好似新加坡那樣沒有冬天了.
之前, 有諗過新加坡點解會被人有悶既感覺, 沒有理出頭緒, 依家我想到天氣是其中一樣(學新加坡人話, 佢地只有sunny day or rainy day), 原來一年有春夏秋冬, 真係冇咁悶.
不過, 沒有冬天, 即時都有個好處, 今次出差帶幾件短袖衫就攪掂.
2/13 pm update:
台北真係好熱, 仲幾猛太陽.  今次schedule比較輕鬆, 所以坐機場巴士去台北. 落車後, 原來巴士站同酒店仲有一段距離, 見仲有時間, 所以決定行去. 台北一高一低既行人路對於拖住夾既我有一定既不便. 不過意外比我發現台北原來有阿坤多士, 上次0係新加坡食過佢地d多士好正. 雖然味道, 口感都冇新加坡果度水準, 但其實算是不錯, 算是意外收獲.
突然之間又諗起d同旅行有關既野, 好多時坐便車, 公車, 甚至徒步去旅行, 冇錯係好花時間, 但所體會, 所領略到既野一定比參加旅行團, 或是包車多. 就好似如果唔係今次決定花點時間行去酒店, 都唔會意外地比我見到間阿坤多士.