十年 (一)

有線依家重播緊十年前同一個時間既片段, 看看十年前的香港人, 好像比現在覺得更自豪.
當時香港的國際地位, 都是靠每個香港人打拼回來. 每個香港人都以住在東方之珠而感到自豪. 相反, 現在的香港人, 當遇到困境時好像只懂得向別人求援, 個體不願工作反而向政府申請綜援 (我記得小時候, 如果申請綜, 算是不太光采的事); 政府不去搞好經濟, 只望大陸向香港施預恩惠.
東方之珠好似越來越暗淡, 就是東方之珠這四個字也越來越少人提了. 昨天, 同事問起一個外國人都好經常問的問題, 到底香港人喜不喜歡回歸大陸?
在我來說真的可以說是既 "歡喜" , 但 "不喜歡". 歡喜的是因為大家始終是中華民族, 在民族立場始終是一件令人開心的事. 不喜歡的是香港人好像失去了昔日的光彩, 當知道原來向上面問下就有著數, 比上面餵得多而好像自己失去搵食的動力.  慢慢地香港由一個國際都市變成了大陸其中的一個城市.
大陸若果真的想香港好, 真的不要再向香港派錢了. 香港的股市炒得不夠熾熱嗎? 香港的股民還是太少嗎? 炒股還不夠瘋狂嗎? 為何還要把大量資金倒進香港股市? 真的想把香港弄成一個只有金融行業的社會嗎?

少有既Guest

今個星期居然罕有地有個外國同事路經香港, 雖然之前都未見過, 只係email上有幾次來往, 佢第一次來香港, 都要搵佢出去食下飯. 佢今次帶佢老婆一齊出trip, 咁當然一齊去食飯啦.
一開始問佢地想食咩, 佢地話唔係western style都okay, 問佢地之前幾日食d咩, 佢地話pizza, america food... 咁佢地住Excelsior, 最方便都係帶佢地去Time Square慢慢揀. 上到去, 見到聘珍樓唔駛等位就問佢地Chinese Food好唔好. 佢地都話都想試下.
跟據以前同舊公司d美國人食飯既經驗, 問清楚有冇對seafood allergic, 叫d美個人食開Chinese Food既大路野, 北京填鴨, 咕嚕肉... 到上菜, 同佢地要0左set刀叉 (我一路以為好多美國人都識用筷子, 可能以前都係對開西岸既美國人啦), 諗住應該無死啦.
同事出慣差, 當然食咩都無咩問題, 但係佢老婆就慘啦, 原來佢對shellfish都幾抗拒, d菜有dd shellfish成碟菜都唔食, 個湯飲0左幾啖就唔飲 (下次呢樣都真係要問清楚), 可能真係口味唔慣, 連佢自己叫既雜菜炒牛肉都唔係好食. 個填鴨都只係食0左一件 (雖然我都覺得佢地整得麻麻) . 成餐飯同事個老婆都無咩落肚, 我估佢番到酒店一定要叫room service.
飯後當散步同佢地行下商場, 同事老婆連搭架有玻璃既升降機都大為緊張 , 行番酒店既路上, 人比去時更加多, 佢老婆不斷咁話好似NYC. 同事掛住同另一個朋友邊行邊吹水, 好快就0係前面人堆中消失, 咁我就同佢老婆一齊行. 好明顯佢唔多習慣係人堆中穿插, 最後仲要 "橋" 住佢隻手帶佢一齊行. 咁純樸既美國人我都係第一次遇到. 

P.S. 今朝check下7月中有冇機位去柬埔寨, 個姐姐仔話我好彩啦, 仲有最後一個, 如果我下2個星期d野搞掂晒, 咁7月中就可以放假啦.

差不多到尾聲了

整個project既testing為期6個星期, 我為0左呢次testing, 計埋呢次就去0左台灣5次, 食CX既飛機包都食到厭 (CX飛台北係serve包, 唔係serve餐), 好彩有同事同我頂0左一個星期  , 唔係真係飛足6次.
今次經驗都幾特別, 做以前既公司都未試過4個投標既vendors有3個都用我公司既產品, 即係要同一時間support3個partners.
開頭以為應該就咁將所有野copy 3份咁簡單, 做落原來3個partner都有d自己既要求3個partners, 即係由preparation, integration, testing, rehearsal到真正0係客面前demo要go through 3次.
其實為0左對3個partners公平及資料保密, 理論上公司要搵3個Engineers去分別support3個partners, 不過公司細就無法啦, 得我一個頂硬上. 原則上, 我地係每個partners allocate 一個星期時間support比佢地準備demo比個客睇, 唔會有resource conflict, 不過, 3個partners既工作室都係0係埋同一層樓, 有時有咩問題, 又好難唔過去睇睇.
不過, 都有個好處既, 就係3個partners都可以熟晒, 將來有咩其他project合作上都方便d.  
其實, 係咪真係好辛苦, 咁又唔係, 雖然工作時間每日係8:30 am - 10:00 pm, 但同過台灣人合作既朋友都知道佢地既效率比香港仲差d, 所以比起去同日本人, 韓國人合作, 都可以算係輕鬆.
今個星期應該係最後一個星期啦 , 希望順順利利過埋佢. 唔駛再去台灣, 可以去下其他地方support, 其實我自己比較鍾意support東南亞既國家多d, 可以去多d唔同既國家, 出差既心情都會靚d.
有時真係覺得人搵工, 工亦搵人, 老實講如果唔係鍾意周圍走, 呢份工都幾難做得長. 另外, 呢份工亦要求幾獨立及幾強既適應能力, 好似, 今次我住桃園, 我d台灣partners都話我點可以住桃園d咁差既小酒店, 我心諗我自己去旅行幾蚊既床位都無問題, 間酒店乾淨, 有得上網, 我就一定無問題.  另外, 出差係好易食肥人架, 好彩我都算唔易食肥既人.
0黎緊2個星期就搞番香港個case, 希望快快手手搞埋佢, o係公司sales meeting前, 抽到一個星期放假實踐我去柬埔寨既旅行大計啦, 咁就perfect.

又一次證明, d野好耐唔用會好易壞

今個星期可以成個星期都留0係香港做下d remote support, 輕輕鬆鬆多0左機會聽歌. 可能之前太耐無開套機. 廳既power amp, 房既cd機, amp都分別出現問題.
部power amp個開關制居然拍唔到, 即係開唔到機.  估計可以太耐無開關, 加上天氣潮濕, 開關制入面條彈弓生0左銹, 咁即刻拆開部機, 用枝神仙水(WD-40)向個開關制狂噴... hehe, 等一陣... 真係得0左.
部cd機就read唔到碟, 洗完個laser head都係read唔到,  之後用最後一個方法, 拆開部機, 擰0係laser head附近既可變電阻加大d個laser power. 開機入碟... 又read到碟.
最後房部amp既問題比較嚴重, 右邊嚴重拆聲. 細個學既野完全比番晒Lecturer, 拆開部amp, 仲邊跟到邊件零件壞.  最後都係要拎去樂聞比人整.
其實人都係一樣, 呢個星期0係香港都係要做番多d運動, 唔係又好易生銹.
講開HiFi野, 最近見到CEC出0左個用銀色面板既解碼, 同我依家用緊個CEC CD transport親到一絕, 個website仲出埋一套機既相, 你話佢地親得幾靚仔.

加上買解碼送上專用superlink cable, 可以慳埋條coaxial cable, 搞到真係好身痕. 所以唔係淨係女仕們先有購物慾, 男仕們都一樣有, 只不過買既野唔同, 女仕們可能去買名牌袋, 鑽飾 ... 男仕們就音響, 汽車, 手錶... 女仕們, 若果你身邊既男仕幾千甚至過萬買條 "電線", 一d都唔好奇怪, 正如男仕們都難以理解細細粒既鑽石點解會咁貴.
講番自己先, 好彩0係興奮高漲既購買慾下, 自己仲可以冷靜下來, 查實自己成日唔0係屋企, 買0左部機都唔多時間聽, 咁樣洗錢真係有d浪費. 自己依家部解碼都幾好聲, 所以都係睇過, 發下夢就算lu.
P.S. 旅行大計真係要推遲lu, 0岩0岩7月香港有個case無人做, 橫掂我機位都confirm唔到, 咁個case就我接來做. 都有個好處既, 就係7月頭有2個星期可以留係香港.

唉, 無機位...

唉, 無機位... 都唔知係唔係既, 係網上又見有位...
如果真係無位, 咁我既放假大計受阻tim, 希望waiting list等到啦...