健康 I

又發現一個home office既問題.
平日輕鬆完成既路, 點解行到一半會腳軟? 點解一上磅會重0左5磅, 本來140磅都係正常體重, 不過d肉出現在不應該出現既地方, 呢個係問題. 我又冇發達, 所以係唔可能"發福".  (如果真係發達, 發福又如何呀).
原來如果你係要番office番工, 每日追車, 行街, 甚至0係office入面行來行去同同事吹水, 已經係有一定既運動量, 所以以前冇咩做運動, 體重都唔會點上升.
但係依家home office, 原來除0左食飯去廁所, 真係可以成日只係坐0係度. 連以前番工放工既運動量都冇埋.

咁樣落去, 莫講話南美洲, 遲下連長洲都行唔掂. 唔想咁樣, 可以點樣? 得一個答案: 就係要開始定時做運動. 跑步似乎係最簡單同最易實行既運動. 其實目標都好明確, 自己知自己事, 由細到大都身體質素都係麻麻, 所以要我將目標定係跑渣打10k, 半馬, 全馬都係不設實際, 所以目標係希望隔日能跑2-3k, 志在keep住一定既運動量.
而且為0左成日提住自己去跑, 專登去買0左對跑鞋. 網上search到有個地方買鞋係唔錯. 價錢應該唔係最平, 不過你一定可以得到專業既意見(老細本身應該都玩0左長跑好耐). 原來跑鞋都有一d學問, 要合腳型, 橋位高度又要適中, 又要睇係比賽定練習用... 我買鞋時咩都唔識, 老細好有心機解釋比我聽, 幫我揀對合我既跑鞋.
有樣野個老細講得0岩, 對鞋係好重要. 跑傷0左對腳要睇醫生, 貴過你買對跑鞋好多.
而且我呢個老人家, 已經唔係細細個著對白飯魚可以通街走既年代, 有對保護性好dd既跑鞋係必須既.
如果, 大家有興趣去買跑鞋, 可以參考下,
http://www.10k.com.hk, 不過去之前記得問幫襯過既朋友拎張八折卡, 唔係就要比全價.