2006年9月23日 星期六

唔通我似星加坡人(2)?

今次來到星加坡, d客當然唔會覺得我似星加坡人 (我d英文學唔到佢地d口音 ), 不過佢地就係唔知估我係咩人好.  最後估到話我係大陸人都唔估我係香港人.  唔通香港人既國際地位真係愈來愈低.


2006年9月22日 星期五

好耐冇試過要通頂做野

我呢行做散仔既好多時都要晚上做maintenance, 好多時要通頂工作.
之前做開果間公司, 產品性質問題, 係唔需要通頂工作. 依家呢份工, 今晚係第一次要通頂. 真係好耐都未試過.

2006年9月15日 星期五

借貸度日

買腳小插曲: 鴨記只收現金, 試完腳, 拿拿林去ATM襟錢. 一睇, 吓... 點解咁少錢, 原來呢排出trip多, 襟下襟下冇晒錢, 一枝腳既錢都冇. 諗諗又冇朋友或屋企人0係附近番工, 想搵人借都唔得架.
唉, 唯有拎張credit card襟住d錢用住先.  仲有半個月, 都唔知點過.
PS. 打緊呢篇野既時候, 收到個電話, 等0左幾耐既龍仔 17-50有貨番, 留0左枝鏡比我. 好彩果間野可以收card, 唔係真係有鏡都冇錢買.




有粗腳用


經過上次一次用cheap腳影夜景. 的起心肝買番枝好腳. 網友A, 網友B一來就用Gitzo毒我. 就真係差d比佢地毒到, 好彩三節太長, 四節又太貴.  唔係真係中招.

經過一輪網上資詢. budget內又唔太差既定0左去睇SLIK 614, 同Velbon 640.
一拎614上手, 好輕. 

但開了之後, 好似唔係好穩.

好似比起我對幾草野既cheap腳唔係穩好多.  (當然build quality正好多.)

之後太子爺拎枝640. 一望好粗 

一拎上手, e.......都唔係好重手. 

 一開, 真係穩好多.  收埋比枝614都係長dd, 入到手提行李夾. 

諗諗下, 真係隨便影, 用cheap腳都得. 冇理由買枝只係穩少少. 所以都係比多2舊買640.  另外, 加多個61Q波頭.






相比之下, 原來以前公司既Tech. Support係咁好

以前公司, 有咩問題, send個email果邊就有人覆你.  d客有咩問題可以直接問tech. support. 咁做我呢個role可以輕鬆好多.
依家間公司就好似一個人咩晒咁多客既support. 同一時間幾個客有問題真係頭都大晒.


2006年9月9日 星期六

林志美新碟 - 原美主義





一隻由中港合作, 用心製作既CD. 雖然大部份都係舊歌或別人的歌, 但由林志美唱出(連和音都係佢唱埋), 加上大陸既精彩伴奏及錄音, 又是有另一番味道.

有興趣既朋友, 可以去睇睇有關既資料.

http://www.perfectmusic.cn/Music/Disk_view.asp?id=64



鬼域



隻碟買0左2個星期終於有時間睇. 唔知點解, 幾喜歡睇李心潔既戲, 所以冇理到個故仔講咩都去買碟睇.
先講包裝, 港產片來講算係幾精美.

套戲, 開頭睇片名, 我以為係鬼片, 點知原來唔係. 我覺得英文片名, re-cycle比較好.  講既題材比較出人意表. 原來係講被遺忘, 遺棄既野. 片中有多樣被遺忘物件既場景, 相信唔同經歷既人會對唔同既場景有唔同既感覺, 我自己就對廢書城特別有感覺. 睇完都去睇睇自己既書櫃, 真係好多書比我遺忘, 有d仲買0左都未睇過.
構思同主題都幾得意, 如果可以加多d創意, 唔好下下得d死人追來追去, 應該會要好.





2006年9月8日 星期五

唔通我似星加坡人?

做到呢份工六個月, 不論係菲律賓, 台灣, 定其他地方. 對方係的士司機, 侍應生, 定係partner, 十個十個都問我0係咪星加坡人.
定係依家好似我咁要走來走去既香港人太少?


1001幅101

最後一晚諗住去影101, 點知落雨. 趁停0左少少雨, 影0左一幅咁大把.









2006年9月6日 星期三

個schedule好得人驚

呢2個星期已經係出差, 老細話之後果2個星期可能都係出差. 呢份工可能真係為我呢個人馬山羊既人而設.  想知人馬山羊既人係點, 睇睇網友forward過來既link.
http://chizzz.no-ip.com/chi/48horo02.htm



2006年9月4日 星期一

一些舊遊蹤

先將一些舊遊記link上來.
第一次自助遊: 雲南
第二次自助遊: 黃山
第三次自助遊: 西藏
依家blog咁方便, 相信下次既遊記會放0係blog度.  


正式學人影相

算是正式學人影相了. 現有器材:  Nikon D50, Sigma 10-20, Nikon 50mm f1.8, Nikon 70-300G.  (另外, 枝tamron 17-50真係等到望穿秋水. )



帶晒腳架都拍唔到101大樓

呢次去台灣, 諗住住0係101隔離有成個星期既時間. 所以第一次帶腳架, 同ultra-wide lens出trip. 以為一定可以拍到101.
點知成個星期朝九晚十既超長工作時間. 番到酒店出去食埋晚飯之後都冇咩心情影野. 最後一張101大樓既相都冇影過. 真失敗.

有時覺得自己唔係香港人

好多時成個星期一句廣東話都講唔到. 好多時成個月大部份時間都唔0係香港. 好多時同香港既生活, 資訊脫節. 同香港呢個社區完全分離, 係咪仲算係香港人呢. 感覺奇怪.



2006年9月3日 星期日

星座

我對星座沒有研究, 但0岩0岩見人地既blog講星座, 咁0岩係講12月19日到25日出生既人馬山羊座(我就係呢個range出生). 有d野都講得幾0岩. 原來人馬山羊座既人係幾茅盾.

原來快又一年了

新工作,  時間特別快過.  已經踏入九月了. 原來對上一次自助遊已經係差不多一年前既. 不過, 上次去西藏既旅程仲好似係幾個月前發生的.
照計應該又係時間咩上背囊出發, 暫時拋開所有工作上既困擾, 往外走走, 給自己思考既空間.  工作是為了生活, 但工作已經佔了大部份既生活. 我真的不想要. 旅行算是一個比我暫時拋開工作機會.
愛旅遊既人最苦惱莫過於冇時間放假. 新工作只是做了幾個月, 真的很難放長假.