2007年2月27日 星期二

杯 I

唔知d燈可以點擺先可以影得吸引d? 另外, 景深係咪太淺? 麻煩各位C兄C姐指教.



2007年2月26日 星期一

07/2/25 星期日 隨影

見天氣唔錯, 帶埋部機出街, 隨便一影.





北京(二)

補番d相先. 今次係冇咩時間周圍行, 只係0係酒店附近影0左幾幅相.
王府井, 一條不節不扣既步行街, 王府井三個字好似變得平凡0左. 記得7, 8年前仲係沙塵滾滾.

對上一次去既街頭小食, 依家有條理咁變晒小食鋪頭, 好似少0左d以前既風味.



羊肉串依然美味.



呢d串燒你有冇膽試?



另一必去既當然係王府井街口既新華書店.



由李超人公司管理既東方廣場, 酒店+商場+商業大樓.



名店自然少不了.



商場格局跟香港沒兩樣.





珠光寶氣放0係魚缸做demo, 想表達d咩?



又一間賣首飾既店鋪, 店員(黑西裝友)見我一拎起相機已經走緊出來喝止.



最後係酒店既日與夜, 原來酒店只係比人影有人像既相, 我只係淨影酒店, 保安哥哥話係唔容許.  不過, 我都手快快影0左.



果晚比較大霧.
















2007年2月23日 星期五

我真的很 "燥"

是乾"燥"的燥. 在北京幾日, 每日比電到的次數超過20次, 所有金屬物品桌子, 機櫃, 扶手...) 對我來講都是會放電. 最搞野係有次個partner遞個手機比我聽, 都試過中招.

2007年2月21日 星期三

北京

北京, 對上一次到訪, 也差不多有三年. 如果以市中心計, 對上一次到訪北京市中心, 可能都有6, 7年了. 記得當時的王府井還是在大興土木, 沙塵滾滾.
昨天前, 我還是把以下的說話常掛在口邊 "大陸的硬件發展得很快, 基建設施可以做得很好, 但軟件方面 e.g. 服務, 效率還是有很多改善的空間" 以上的印象, 即使是我間中到的深圳, 給我的感覺也是一樣.
但是, 我想我真的out了.   今次住在王府井附近的東方廣場, 整個商場的格局, 管理給我一個 "好香港" 的感覺. 深圳一些大型的商場(e.g. 萬象城)我也去過, 但都沒有這種感覺. 名店林立, 商場的空間運用, 宣傳的佈置根本跟香港的商場沒有差異. 雖然大, 但沒有空洞的感覺.
北京的服務業給我的印象是他們真的可以train up到跟香港一模一樣. 或者, 以下的例子可說明一切.
中午在商場找了一間港式的茶餐廳吃午飯. 點了很香港地道的炒牛河, 奶茶. 本來都抱住 "唔慌好食" 的心態入去, 出乎意料之外, 炒出來的牛河色澤, 口感, 味道跟香港酒家炒出來的完全是一樣; 奶茶方面, 茶味沒錯還是不足, 但已經是一般茶餐廳的水準了.
是令我驚訝的是, 除了食物, 整間茶餐廳完完全全充滿香港茶餐廳的影子. 由你一進餐廳一刻開始, 你看到的服務, 除了伙計是講國語之外, 跟本也是跟香港沒有差別. 店子差不多坐滿, 但不到十分鐘, 我的即炒牛河便送到面前, 非常有效率. 伙計傳餐都是一手捧幾碟, 急步在檯與檯之間穿插, 跟香港的伙計一樣, 一點也不拖泥帶水, 不會慢條斯理. 原來大陸的服務水平真的可以完完全全train up到跟香港一樣, 這真是我之前想像不到.
當然, 這樣的服務水平是有代價的, 炒牛河成為rmb 26; 奶茶成為 rmb 13, 價錢也差不多跟香港看齊.
北京美味的街頭小食, 大型的大陸書店, 便宜的大陸書, cd/dvd, 其他出差的地方都很難同時找到. 可惜自己真的受不了北京冬天的天氣, 若非如此, 北京絕對是個出差的好地方.
PS. 東方新天地的興建及管理都是出自李超人的公司


2007年2月20日 星期二

開工大吉

今年新一年開工比以往特別.
沒有老細開工利是, 沒可能向同事賀年收利是, 而且年初三已經要開工了.  基本上一跳落床已經可以埋位開始新一年既工作. 循例看看email之後, 收拾行李, 預備下午飛走.
因為新年, 之前把工作既空間整理過, 趁還未回復群線亂舞既混亂情況之前, 還是拍下一張紀錄照.



已經用上最wide既鏡頭, 看起來還不是太擠迫. 其實空間比起一般公司既cube還細小.
最後, 祝各位打工仔開工大吉, 工作事事順境, 有加薪, 無加辛.




2007年2月19日 星期一

生日快樂


(上面幅劇照我覺得影得好靚) 
趁假期完結前又煲埋生日快樂 (隻dvd係0係大陸書局買既國語版, 港版應該未出)
買呢隻碟既原因係因為好想睇劉若英, 自從天下無賊之後都幾喜歡睇佢d戲. 套戲係由劉若英自己寫既小說而拍成既, 亦係另一個賣點. 當然, 到底古天樂一本正經拍愛情片係點, 呢個都係我買隻碟既原因.
套戲講咩, 可以用戲中古天樂, 劉若英成日合唱首歌既歌詞總括晒. 首歌係王菲既 "愛與痛的邊緣" 既國語版.
有多少愛可以重來
曲:黃卓穎 詞:何厚華 編:江建民

常常責怪自己 當初不應該
常常後悔沒有把你留下來
為甚麼明明相愛 到最後還是要分開
是否我們總是 徘徊在心門之外

誰知道又和你相遇在人海
命運如此安排 總教人無奈
這些年過得不好不壞 只是好像少了一個人存在
而我漸漸明白 你仍然是我不變的關懷

有多少愛可以重來 有多少人願意等待
當懂得珍惜以後回來 卻不知那份愛 會不會還在

有多少愛可以重來 有多少人值得等待
當愛情已經桑田滄海 是否還有勇氣去愛
主要係講 "做比好朋友再好一點的朋友關係", 好似古天樂所講, 真的很難搞, 我們做觀眾也不易明白.  
套戲可以睇到劉若英演繹有別於 "天下無賊"  既另一種性格既女性. 雖然係有幾多發揮 (古天樂基本上像個配角, 成套戲得劉若英一個主角), 不過我都係鍾意佢0係 "天下無賊" 入面有性格得來又帶點倔強既角色.
至於古天樂, 我諗國語配音幫了一大忙, 沒有太大反感. 
 

另外, 有冇人知劉若英住果間CU宿舍係邊間宿舍? 睇落好現代咁, CU唔多似有呢類宿舍.

你有冇用錯眼?




台灣叫單鏡反光機叫做單眼相機. 雖然香港譯得準確d (DSLR - digital single-lens reflex camera), 但其實叫單眼相機都有佢原因. 因為你冇LCD display睇, 要影相下下要用 "單" 眼來影相.
用0左DSLR半年, 突然間我諗起一個基本問題, 到底用 "單眼相機" 時, 係用左眼定右眼睇 viewfinder?  而我一向係用左眼睇view finder.
我上果d攝影初班d阿Sir冇講, 一d攝影書又係冇講.
最後上網問,  發現有2派意見.
第一派係用右眼, 原因係:
1. 用左眼會阻住相機的制.
2. 用右眼時, 左眼係VR以外, 可以睇埋周圍既環境, 影走動緊既野好有幫助.
第二派冇分左右, 但係要用你既強眼 , 咩係強眼 (dominant eye)? 原來眼都好似手咁, 係有一邊眼你會比較主力要來睇野. 以下有個test比你試下你係左眼, 定右眼係強眼. (我自己左眼係強眼)

http://www.nidek.com/dominant.html
我自己試過, 用右眼真係好唔習慣.  都係用左眼, 自己既強眼會自然好多.
各位 "單眼相機" 用家, 你係用左眼定係右眼?

2007年2月18日 星期日

滿城盡帶黃金甲



套黃金夾真係好好睇, 10分我比8.5分. 未睇以為係套好悶既宮庭戲, 點知成2個鐘一d悶場都冇. 鞏利, 劉燁做得最好.
鞏利一出場你既視線可能停留0係佢跨張既身材, 但係慢慢地, 你會被佢既演技完全吸引住. 演活0左果種因為仇恨而反抗到底既女性, 我諗亞洲女演員, 都係佢演得最入形入格.
劉燁演果個 "打壞" 太子, 又係入形入格. 發哥都好落力去做佢既皇帝. 周杰倫就真係仲有好多野要學啦. 不過佢個角式都幾令人討好, 成家基本上得佢最正常, 因為考義, 義無反顧, 明知不可為而為之.
以前對大陸導演拍d所謂既"大片"都好怕, 得個華麗浮誇. 但呢套除0左華麗, 仲有好多野睇. 將一個天水圍有倫常問題既家庭故事放大在皇室入面拍. 好正.
最後一提既係如果你係睇dvd既, 一定要揀聽國語, 廣東話配音真係差得太遠.


2007年2月16日 星期五

收爐日, 各位農曆新年快樂



先借人地張福字揮春, 祝大家新一年都福氣十足.
新工原來差不多都番0左一年, 呢一年既時間真係好似特別過得快. 我諗因為好多時間都浪費0左0係travel上面. 今日真係要收爐, 停一停.  就在這幾天假期把本來長開的電腦關掉先.
終於可以留0係香港過年. 對新年最大既期望原來係有幾日假期休息, 因為下個星期又要飛lu, 所以要好好把握呢幾日假期休息休息.
當然, 除0左休息, 仲入定以下既精神食糧.