2007年9月16日 星期日

中學老師的離去...

偶爾發現一位留言的網友是跟我讀同一間中學, 再細看, 發現這一則不幸的新聞.

【 本 報 訊 】 以 海 底 珊 瑚 及 海 蝕 洞 美 景 成 為 潛 水 及 旅 遊 勝 地 的 西 貢 甕 缸 洲 , 昨 日 發 生 遇 溺 意 外 。 一 名 中 學 老 師 參 加 一 個 遊 船 河 旅 行 團 , 其 間 乘 小 艇 上 岸 途 中 , 疑 被 清 澈 海 水 吸 引 , 突 然 興 之 所 至 , 與 部 份 團 友 同 跳 下 水 中 暢 泳 一 番 , 結 果 事 主 樂 極 生 悲 遇 溺 , 經 救 起 由 直 升 機 送 抵 醫 院 證 實 不 治 , 留 下 年 邁 母 親 和 妻 兒 , 痛 不 欲 生 。
死 者 黃 蒼 茂 , 41 歲 , 在 觀 塘 翠 屏 道 的 觀 塘 瑪 利 諾 書 院 畢 業 , 其 後 升 讀 中 文 大 學 , 大 學 畢 業 後 返 回 母 校 任 教 , 現 時 是 該 中 學 的 數 學 科 主 任 和 訓 導 主 任 , 學 生 對 他 印 象 不 錯 , 暱 稱 他 為 「 阿 茂 」 。
該 校 校 友 會 幹 事 會 副 主 席 劉 展 輝 表 示 , 校 方 已 知 悉 事 件 , 今 日 將 召 開 緊 急 會 議 商 討 , 對 他 去 世 感 到 沉 痛 難 過 。 黃 與 任 職 銀 行 的 妻 子 和 一 名 7 歲 兒 子 , 同 住 觀 塘 月 華 街 萬 福 大 廈 。
妻 子 : 勸 0左 佢   又 唔 聽 話
昨 日 事 發 後 , 死 者 母 親 和 妻 子 趕 到 醫 院 , 驚 聞 黃 的 死 訊 都 傷 心 不 已 , 其 間 , 黃 的 年 邁 母 親 更 一 度 情 緒 失 控 , 呼 天 搶 地 呼 喚 愛 兒 , 需 要 家 人 從 旁 安 慰 。
據 說 , 黃 泳 術 不 精 , 家 人 不 時 都 勸 他 欺 山 莫 欺 水 , 妻 子 昨 日 向 警 員 了 解 丈 夫 發 生 意 外 經 過 時 , 含 淚 訴 說 : 「 我 都 勸 0左 佢 啦 , 但 佢 又 唔 聽 話 … … 」
據 稱 , 黃 昨 日 與 一 名 男 性 友 人 一 同 參 加 由 「 週 二 旅 行 隊 」 舉 辦 的 「 東 海 遨 遊 」 旅 行 團 , 目 的 地 是 西 貢 甕 缸 洲 ( 又 稱 沙 塘 口 山 ) , 該 團 一 行 29 人 早 上 9 時 在 西 貢 碼 頭 集 合 登 船 出 發 ; 至 10 時 許 到 達 甕 缸 洲 對 開 海 面 , 由 於 甕 缸 洲 沒 有 碼 頭 設 施 , 大 船 無 法 泊 岸 , 要 用 小 艇 分 批 將 團 友 送 上 甕 缸 灣 的 岸 上 。
拿 浮 板 下 水   上 岸 不 見 影
據 死 者 同 行 團 友 向 警 方 稱 , 事 發 時 , 黃 與 友 人 和 幾 名 團 友 同 乘 小 艇 泊 岸 , 在 離 岸 百 多 米 時 , 各 人 看 到 清 澈 的 海 水 都 讚 嘆 不 已 , 其 間 有 人 提 議 落 水 游 到 岸 上 , 當 中 幾 人 都 表 示 同 意 , 並 隨 即 躍 下 水 中 , 由 於 黃 泳 術 不 精 , 當 時 他 是 拿 著 浮 板 下 水 的 , 豈 料 其 他 人 上 岸 後 卻 不 見 了 黃 的 蹤 影 。
正 當 各 人 擔 心 不 已 之 際 , 數 名 在 附 近 玩 浮 潛 的 男 女 發 現 黃 在 海 上 載 浮 載 沉 , 立 即 將 他 救 到 岸 上 , 並 為 他 進 行 心 外 壓 搶 救 , 當 時 他 已 沒 有 呼 吸 和 脈 搏 , 其 他 人 立 即 致 電 報 警 , 水 警 輪 到 場 將 黃 送 往 西 貢 對 面 海 水 警 基 地 , 再 由 直 升 機 轉 送 港 島 東 區 醫 院 , 惟 抵 院 後 證 實 經 已 不 治 。







在中六時, 他是我的Pure Maths老師, 中六後我入了大學, 之後再沒有機會跟黃老師碰面了.  雖然已經是十幾年前的事, 但現在回想起來, 對他的一點一滴還是一一浮現出來. 記得當時他是剛在我的中學任教不久, 不算是那種形象很資深的老師, 反而更像一個比我們年長幾年既朋友. 最難忘是他經常的笑容, 及教學的熱誠.
英年早逝, 非常可惜. 六年既中學生活, 沒有令我相信主, 不過, 我相信黃老師一定可以去到安息的國度.


2007年9月1日 星期六

2007年8月29日 星期三

死伙, 食物過敏

從來都未試過, 今晚唔知食錯d咩, 搞到依家成身腫晒...
拿拿林support埋個客, 試下浸下水會唔會舒緩下d腫脹...


2007年8月26日 星期日

Nikon出新機, 新鏡



雖然呢d High-end機, 鏡王同我呢個入門用家完全無關係. 一來佢地實在幾貴 (d長鏡仲係天價), 二來佢地d重量我都實在負擔唔到.
不過, 見到好多new or enhanced features, 好似自動除塵, LCD live view, 3" 大LCD,   6400 ISO... 的確好吸引, 照Nikon既慣例, 好多新features都會下放到將來既low-end機上面. 所以非常期待Nikon下次公佈D80既後繼機...
當D80出後繼機時 (唔知係咪叫D90), 好有可能係我換機既時候lu.

http://www.dpreview.com/news/0708/07082312nikond3.asp
http://www.dpreview.com/news/0708/07082313nikond300.asp
http://www.dpreview.com/news/0708/07082310nikonsupertelelenses.asp
http://www.dpreview.com/news/0708/07082311nikonafs14-24-70lenses.asp
------------------------------------------------------------------------------------------------------------------------
8/28 加番個拍得好令用家感動既廣告先.
http://www.youtube.com/watch?v=BRGXdpzsWZk&NR=1
最鍾意係見唔同人0係唔同環境好投入拎住部相機影相.

仲有d機一路變, 但個mount依然不變, 真係對用家好體貼.





2007年8月22日 星期三

中大破格取錄何凱琳


何凱琳又跳級啦, 14歲已經入大學, 的確了不起, 佢可以揀到佢想讀既醫科, 而中大醫學院又收到個好學生, 的確是一件美事. 估計, 佢將來亦都會係最年輕既醫科畢業生, 同最年輕既醫生law.
雖然話讀醫係超辛苦, 超困難 (見以前好多幾醒既宿友都徘徊係合格與不合格既邊緣), 不過從何同學近日來0係傳媒既對答, 以及佢既準備態度, 應該唔會有問題, 希望香港將來好快又多一個有heart既醫生.
講起讀醫, 真係係大學最辛苦既學系, 以前見個同房, 基本上晚晚臺燈都係長著, 我果時基本上係唔知佢幾時會訓, 因為基本上我訓著之前同訓醒之後都只係見佢溫緊書.  細個果時都有人問過我有冇考慮過讀醫, 我果時都算有自知之明啦, 以我咁懶散既性格, 如果果時揀讀醫, 最大可能係跟本畢唔到業, 就算好好彩碌過, 依家都只係一個害人害物既黃綠醫生.
----------------------------------------------------------------------------------------------------------------------------------------
唔另外寫開啦. 高清既來臨, 但HD-DVD, Blue Ray仲未分出高下, 所以呢排我好少買碟. 今日入0左套港產片dvd, 每當變幻時. 以舊街市做背景, 主角係千嬅, 有dd做番佢自己既感覺. 套戲除0左主角既感情線為主線外, 就係講舊街既溫情, 連做壞人既盧David基本上都係個好人. 另外, 套戲有馮淬帆做架, 雖然個樣都老0左好多, 見到佢就諗起細個睇 "飛越十八層" 啦, 不果套戲要到最後佢先有得發揮. 整套戲感覺都okay, 有空可以一看.

-----------------------------------------------------------------------------------------------------------------------------------
8/24 今日少有要通頂落Site做野, 太耐無試過啦, 真係唔多習慣, 個頭腦真係唔多清醒.

2007年8月19日 星期日

打回原形

咁辛苦0係柬埔寨高溫瘦身所減去既5磅, 居然比我3個小時又加番到身上.  今晚真係搏命0左d, 人地出錢自己出命, 係咁狂食3粒鐘, 真係好耐都無試過咁暴食法, 睇來0黎緊幾餐都唔駛食都得lu.

2007年8月14日 星期二

Home Office = King-Size Homer?

最近間中會攞盒Simpson來煲, 雖然咁舊, 依家仍然覺得好好笑, 好抵死.

其實細個0係英文台睇Simpson既印象已經有d模糊, 只係記得好好笑. 依家再睇番, 佢地d笑料去得咁快, 當時細個, 又無Nicam, 我估細個時只係明1/3都無.
講番個正題先, 今日睇其中一集, 講Homer因為想過Home Office既生活, 所以變0左 King-Size大肥佬. 而佢Home office既衰習慣, 其實我發現我都有d係一樣.  
如果大家有留意我個頭像, 係將自己既特徵套入Simpson卡通Character. 成日坐 home office, 真係好易令人肥.

唔知有日我個頭像會唔會由依家咁靚仔,



變成好似Homer咁樣仲靚仔呢?

有興趣既網友都可以試下將自己既特徵套落Simpson既Character到.

http://www.simpsonsmovie.com/main.html?cid=tw


2007年8月9日 星期四

Stock Option

曾幾何時, 公司有stock option, 員工自然. 2千年科技股熱潮時, 0係科技公司做野, 公司有stock option就好似等於可以打風流工, 等提早退休.  
實際上, 自己出來做0左咁多年野, 可能係我黑仔, 情況并唔係咁.  我曾經做過3間公司有stock option.
第一間上香港創業板, 點知唔夠一年成間公司仲摺埋, 一亳子都無.  仲要搞到要去勞工處先有糧出.
第二間每年都會有少少stock比員工, 可惜又係入公司唔0岩時間, 股價一路插水, 做0左兩年走時都未番過家鄉, 又係一毫子都無賺過.
依家做緊呢間算係第一次有錢收啦.  不過真係摸唔透公司股價既上落.   上次公佈業績, 公司有錢賺, 股價反而插水跌0左 20%, 今次公佈業績, 業績同上次差唔多, 估價無上無落. 比d網上分析員吹兩野, 又係無上無落, 但尋日又無啦啦一日升0左 13%.
自己一向都無玩股票, 所以真係一頭霧水 , 唔識點決定好, 始終係d三四線既細價股, 股價上落都幾大, 所以賺多賺少, 都係要靠d運氣.  但係總括來講, 都唔會令到你發達而唔駛做.
----------------------------------------------------------------------------------------------------------------------------------
0岩0岩睇到email, 居然Cambodia有project.  唔知有無機會派比我搞, 等我可以去多次Cambodia.

2007年7月30日 星期一

香港-廣州-深圳-廣州-深圳-香港



7月9日 - 7月13日, 少有地要上廣州做野. 其實今次工作時間比較長, 無時間周圍去. 比較值得記錄既係無準備之下乘坐深廣鐵路既 "和諧號".

7月9日, Short notice下, 幾個小時後已經身在廣州啦. 如果時間夾好, 0係紅磡坐火車應該係最快.




住既酒店, 令我諗起雲南, 名字讀上口都有d想起上年身在雲南既時光. 不過, 除0左酒店名, 每日所送有Lost Horizon的節錄書籤之外, 其實完全同心中的日月拉唔上任何關係.





見個blog title, 點解無啦啦有深圳出現呢?
 因為星期四朝早, 老細話要我去深圳見一見個partner. 佢一定以為廣州同深圳好近.
 okay, 去時諗住坐大巴, 點知因為塞車, 足足用0左3粒鐘先由廣州去到深圳.

同個partner開0左40 min會 (無錯, 真係好貴既40 min, 因為足足用0左 5, 6個鐘0係traveling), 因為好怕又要坐3粒鐘巴士, 所以就決定坐地鐵再轉火車.

去到火車站, 先醒起深廣鐵路已經換上 "提速" 既 "和諧號". 個樣係咪都好似幾Hi-tech.
 不過, 同大陸好多設施一樣, 係咪見到幾多污積係車身上.





車上有簡介介紹列車.




d坐位都okay.




雖然係一粒鐘車程, 但係中間係有個餐卡. 叫0左碟牛河, 個服務員叮0左一次係凍, 叫佢再叮多一次, 又係凍. 都係算把啦.




車內有速度同溫度顯示. 最高車速可以去到 200km/hr. 都幾快下.




佢地做咩? 原來d車票係要回收再用. 咁好似我呢d實報實銷既打工仔, 咪要走埋去print番張receipt.




就係咁, 為0左一個40分鐘既meeting, 用0左半日來回廣深兩地.






2007年7月29日 星期日

倫敦轉機

本來0係倫敦轉機都無咩好寫架啦. 不過, 今次仲係第一次因為航班延誤而miss 0左班connecting flight. 本身得果個半鐘轉機, 0Lisbond, ground staff已經話去倫敦班機delay起碼一粒鐘, 一定要同我轉定另一班由倫敦番香港既飛機. 咁又要遲多半日先番到香港.

本來諗住倫敦係BA既地頭, 安排一定唔會有咩問題. 但係結果我對BA既處理過程真係好失望.
本來諗住佢地神早知道班機delay, 到我落機時一定有人舉住我個名, 之後會安排好一齊. 點知原來係無. 唔緊要, 咪自己去搵人. 去到Connecting flight Information counter, 點知無人收0左檔.
問其他人話要過0immigration先可以搵到BA d. okay, 行多幾步去搵都唔係問題. 印象中97後香港人過英國海關試過有d阻滯. 不過, 咁多年同過咁多唔同海關既經驗話我知, d情況, 答佢地問題時扮下可憐, 扮下無奈, 一般關員都會有d同情心, 順利放你過去既, 最忌係答佢地時聲大而唔耐煩, 見過d關員可以好有耐心同你慢慢玩.
關員: stay幾耐?
radhk: one night
關員: one night…?
radhk: (d無奈既語氣, 一五一十解釋一次)
關員: 咁係定0左今晚住邊未?
radhk: (無奈狀) 未呀, 要等航空公司安排
關員: 咁係要搵到BA d人先可以入境
radhk: 我試過搵, 不過入面一個BA既人都無 (呢次真係無奈架)
關員:  (本能地咁將我本passport揭來揭去, 睇下我去過邊, 有咩visa…佢對個Pakistan visa幾有興趣架) 你有幾多錢0係身?
radhk: (我身上得一舊水美金, 好驚佢又以錢少諸多為難, 我無直接話我有幾多錢, 又無奈地拎出銀包0係佢面前約略一數) not much but enough
關員: (又再揭我本passport) okay, good luck…
順利入境, 諗住一去到BAticket counter就一天光晒. 點知又係無人, 太夜收0左檔. 行晒所有check-in counter, 一個 BA既人都無. 好彩最後都搵到個機場既地勤, 話可以搵到BA既人幫手.
同病相憐, 其他轉唔到機既人.




等下等下過0左大半個鐘, 終於有BA既人同所有各種原因轉唔到機既人登記. 重新定航班, 登記名安排酒店. 如是者又搞0左成個鐘, 終於派酒店voucher, , 點解咁黑仔會無我份既.
我再問BA d, 佢地話佢地係跟據佢地既record幫有需要既人訂酒店, 之前登記0左名, 唔係一定有酒店. (我又真係聽唔明佢地既解釋), 不過佢都話即刻同我做番, 咁又要另外等多大半個鐘.
就係因為遲0左比voucher比我, 搞到去到酒店check-in都要等好耐.



最後, 到真係到機場酒店已經係1點半鐘. 10:30 pm 落機, 左等右等, 0左成3粒鐘先上到房休息.
間Park Inn都okay. 不過唔記得d鬼佬酒店係無牙刷 (自己d個人用品仲0係機場件行李到), 搞到要去買牙刷都成四, 五十蛟港紙.





最安慰係個早餐係唔錯.



或者有熟航空公司運作既朋友可以話我知BA咁既處理過程係咁正常. 不過, 我自己覺得真係好難接受.
實在太少時間0係倫敦, 除0左d野好貴, 機場好多人, 同埋見到架的士. 對倫敦真係無咩印象.