機場相遇

我係間唔中都會0係機場遇到熟人, 今次係遇到一個幾年冇見既中學同學, 原來係同一班機0係曼谷返香港.
若果唔係我一落機之後去0左廁所, 都冇機會遇到呢個舊同學. 依家我都慢慢開始相信有時做朋友也是要看緣份. 有時沒緣份, 點去勉強都沒有用. 相反, 有時根本唔著意, 又往往可以keep到做朋友.
講番個舊同學, 我覺得始終中學時既友情係幾 "純正". 雖然距離中學時期都成十幾年, 依家講既話題都唔同晒. 但依然feel到對方十幾年前果種不用修飾既誠懇.
不過, 都有可能只係我單方面咁諗, 因為我自己一但認定對方係朋友, 即使平時唔會成日見, 都唔會因此而生疏. 即使幾年冇見, 對對方既態度都唔會點變.