0岩0岩老細比個電話我, 話黎緊有個training要我搞. 我真係唔明, 我0係呢個時候一定唔係最佳人選. 同事上過專為做trainer而設既training course, 係regional trainer, 但係我冇上過. 要我濫竽充數去做, 個效果一定唔會好, 對個客亦唔公平.
而且, 呢排為0左個tender, 已經要用好多私人時間去做公司野. 老實講, 我都唔知仲有冇時間去prepare. 隔住電話, 如果直接同老細講個安排唔多妥當, 又好似唔係咁好.
只可以話會盡力去做, 但係我真係覺得出來既結果唔係最好, 而又要去做, 真係好無奈.
我真係諗唔到係咩理由, 老細冇可能咁睇得起我既. 始終做0左大半年野, 老細都係見過2, 3次, 同佢真係唔熟. 真係要諗d方法睇下可唔可以知道係咩原因, 先好決定係咪向老細做d咩建議.
大家點睇? 有咩提議?
知其不可為而為了, 好無奈...
打工就係成日有呢d無奈, 幾時輪到我中六合彩呀...
我諗你老細聽過其他人對你既 comment, 對你有一定既印象, 想試下你係呢個情況下會做成咩效果!!!
回覆刪除打工有好多時真係好無奈......
回覆刪除今日會見到老細. 睇睇有冇機會攪清楚啦. 其實, 要我去做, 我都會盡力既, 不過今次我聽到d小道消息, 係話個training係bypass 0左headquarter個training department. 我諗如果d客個feedback唔好, 向headquarter投訴, 可能都有d麻煩. "打工有好多時真係好無奈", 人有江湖, 只有繼續玩呢個遊戲. haha.
回覆刪除