黑白道

估唔到今次0係機上冇咩戲睇. 反而睇0左T2 (一睇再睇都咁好睇), 同另一套港產片, 黑白道.
開頭見又係秋生(香港真係冇咩演員, 來來去去都係果幾個), 以為會0係另一套無間道老番, 大玩黑社會卧底. 點知原來唔係, 反而有d驚喜. 原來係想描述由卧底變番正常警察既問題.
張家輝做卧底都okay, 都有d古惑仔feel, 不過真係老0左少少 (學堂+8年卧底生活都應該只係24, 5歲). 當然, 唔可以期望見到好似梁朝偉咁型既卧底, 老實講, 做卧底邊可能咁型架, 所以張家輝既表現方式反而實在, 真實好多. 亦配合番套戲, 探討卧底問題, 而唔係想將卧底形象神化, 英雄化.