今日既 "伴工" 大碟 2

1 聽天由命   
2 原罪犯   
3 在你身邊   
4 有一個地方   
5 難道真的不能用愛絕決嗎？   
6 好久不見   
7 I Don't Wanna Be   
8 上不完的課   
9 煩惱歌   
10 但願人長久

王菲

隻碟見人地講0左好耐, 之前有心想搵又冇貨, 大CD鋪見到又炒過二百. 所以一直冇再在意. 今日經過大眾書局, 居然比我見到一千零一隻, 個價錢仲算合理. 咁就冇再考慮即刻買下來.
隻碟係LPCD既format, 話比sacd, xrcd仲好. 係唔係我就唔知, 我都冇sacd機, 又冇買xrcd d碟.
隻碟既賣點係本碟是將王菲錄音的原裝母帶直接刻到CDR. (haha, 原來買0左隻 cdr

)

依家聽緊, 人聲好正, 好似冇咁數碼聲, 柔和d. 係咪接近d LP d聲? 所以叫LPCD?
點都好, 睇個song list, 都知隻碟會好好聽.
01. 約定
02. 曖昧
03. 暗湧
04. 天空 (Unplugged) (國)
05. 容易受傷的女人
06. 無奈那天
07. 愛與痛的邊緣
08. 執迷不悔 (國)
09. 尾班車
10. 知己知彼
11. 如風
12. 矜持 (國)
13. 天與地
14. 季候風
15. 夢中人
16. 我願意 (國)
17. 給自己的情書
18. 靜夜的單簧管
0岩0岩搵到有多d LPCD既資料.

http://hk.myblog.yahoo.com/reviewcd/article?mid=84}
突然覺得王菲咁就唔再唱好可惜tim.

Departed 無間道風雲

回程時看了這套電影. 相信太部份香港人看了都不是味兒. 港版好多玩味十足既野都冇0左, e.g. 摩斯密碼, 差館晒馬..., 加上節奏明顯比港版比下去. 主角方面, 先入為主都係覺得劉華, 偉仔做得好d. Dicaprio係幾用心去做, 不過都係做唔到偉仔果種複雜既演繹. Matt Damon就真係好一般. 相反, 最正係Jack Nicholson, 演繹外國既黑社會大佬非常好睇 (係不同於琛哥既黑社會大佬風格).
套戲都有d"金句", 不過始終文化唔同, 冇港版咁深刻, 最深刻反而係成套戲d對白F來F去. 一句對白都F幾次. (我估套戲都冇機會0係明珠台到做, 唔係真係唔知點cut d F字)
套戲咁0岩又係以Boston做背景, 見到d地鐵, 建築物, 外國小社區, 都有d feel. 整體既感覺, 我覺得似係用汽水樽裝威士忌. 如果你一定要從外表同汽水比較, 一定覺得好怪. 但當你唔當佢係汽水, 認清楚佢其實係另一種飲品, 有另一種飲法, 套戲其實都唔係太差.

Boston幾張Snapshots

本來又係有半日可以去影下野, 不過天氣真係好凍. 行0左大半個鐘已經覺得著條牛仔褲好似冇著咁. 手同面都凍到又痺又痛. 所以冇咩心機去影, 影0左唔係好多相.
0係酒店望出去既日出時份.

日落時份.

我最鍾意去d沿海既城市出trip, 因為一定有平靚正既海鮮.

一朝早行0左去河邊.

美國人係幾健康, 好多地方都有人跑步, 就算咁凍都照跑可也.

寒冬d樹都落晒葉, 我諗秋天時會幾靚.

好多時行0左一陣真係凍到行唔到, 唯有求其搵間野買杯熱飲暖下身. 間7仔個招牌又幾特別.

雖然有太陽曬住, 但一d都唔覺陽光既熱力. 條河結0左冰既pattern係幾得意.

架地鐵因為要過橋, 所以要行橋面.

時差

飛0左咁多次, 仲未可以"進化"到完全可以適應到時差. 冇錯依家夜晚唔會好似以前咁訓唔著, 即使第一晚到酒店, 都起碼訓到4, 5粒鐘先醒. 但問題係一到香港時間清晨4, 5點, 真係頂唔到, 一定釣晒魚.
咁呢樣去東岸就比去西岸好啦. 因為去西岸, 香港時間清晨4, 5點即係西岸食完午飯既時間, 成個下午流流長, 加上"飯"氣攻心, 唔訓著都幾難. 相反, 0係東岸, 都差不多到下午4, 5點, 要做要聽既野都基本上完晒. 一番到酒店就可以即刻訓.
不過東岸真係好凍, 依家室外最低得零下十三度.

黑白道

估唔到今次0係機上冇咩戲睇. 反而睇0左T2 (一睇再睇都咁好睇), 同另一套港產片, 黑白道.
開頭見又係秋生(香港真係冇咩演員, 來來去去都係果幾個), 以為會0係另一套無間道老番, 大玩黑社會卧底. 點知原來唔係, 反而有d驚喜. 原來係想描述由卧底變番正常警察既問題.
張家輝做卧底都okay, 都有d古惑仔feel, 不過真係老0左少少 (學堂+8年卧底生活都應該只係24, 5歲). 當然, 唔可以期望見到好似梁朝偉咁型既卧底, 老實講, 做卧底邊可能咁型架, 所以張家輝既表現方式反而實在, 真實好多. 亦配合番套戲, 探討卧底問題, 而唔係想將卧底形象神化, 英雄化.

突然之間, 感到有d無奈

0岩0岩老細比個電話我, 話黎緊有個training要我搞. 我真係唔明, 我0係呢個時候一定唔係最佳人選. 同事上過專為做trainer而設既training course, 係regional trainer, 但係我冇上過. 要我濫竽充數去做, 個效果一定唔會好, 對個客亦唔公平.
而且, 呢排為0左個tender, 已經要用好多私人時間去做公司野. 老實講, 我都唔知仲有冇時間去prepare. 隔住電話, 如果直接同老細講個安排唔多妥當, 又好似唔係咁好.
只可以話會盡力去做, 但係我真係覺得出來既結果唔係最好, 而又要去做, 真係好無奈.
我真係諗唔到係咩理由, 老細冇可能咁睇得起我既. 始終做0左大半年野, 老細都係見過2, 3次, 同佢真係唔熟. 真係要諗d方法睇下可唔可以知道係咩原因, 先好決定係咪向老細做d咩建議.
大家點睇? 有咩提議?
知其不可為而為了, 好無奈...
打工就係成日有呢d無奈, 幾時輪到我中六合彩呀...

又要去boston

要準備執野上機lu. 睇過天氣報告, NY都幾凍. 好記得2年前同一時間去NY探個舊同學, 一出NY機場, 真係成個雪櫃咁, 周圍都係雪又或者係硬0左既冰. 個地址又唔多清楚, 拖住個夾0係冰天雪地下行0左大半個鐘, 真係成個人凍到傻0左.  非常難忘.
今次過boston機場, 會接納舊同事既建議, 如果航空公司仲係比張mark 0左要full security check既boarding pass, 一於向佢地抗議.

虐兒

本來0係我既blog係唔應該睇到有d咩唔開心既野. 但實在實在太過份啦.
以前我地既父母輩, 留我地幾兄弟姊妹0係屋企都係幾經常發生, 但佢地都係為0左生計, 要出去做野. 而且如果我地真係好細, 都會叫隔離鄰舍幫手睇下. 始終0係父母心目中, 子女都係佢地心目中既寶貝, 只係迫不得意先咁做.
但係依家居然有d枉稱"父母"既人, 咁樣對自己d仔囡, 真係連對寵物都不如, 好似由得佢地自生自滅咁. 真係好過份.
唔係想講咩歧視既說話, 不過天水圍d倫常家庭事件好似真係特別多, 政府真係要諗諗點撥多d資源, 搞好果個社區.
生果報原文:
父 母 北 上 耍 樂 　 鎖 兩 嬰 孩 在 家
任 由 捱 餓 便 溺 　 警 拘 母 涉 虐 兒

【 本 報 訊 】 天 水 圍 錫 降 村 昨 凌 晨 揭 發 虐 兒 案 。 一 對 不 負 責 任 的 父 母 ， 將 兩 名 兩 歲 半 及 15 個 月 的 兒 子 ， 留 在 住 所 內 不 顧 ， 小 兄 弟 捱 餓 半 天 、 便 溺 幾 乎 溢 出 尿 片 ， 滿 身 骯 髒 嚎 啕 大 哭 多 個 小 時 ， 街 坊 忍 無 可 忍 報 警 。 警 方 到 場 在 村 內 另 一 個 單 位 ， 尋 獲 小 兄 弟 的 祖 父 ， 但 對 方 竟 然 狠 下 心 腸 拒 絕 接 收 ， 一 臉 不 悅 地 說 ： 「 佢  老 竇 老 母 梗 係 返  大 陸 啦 ！ 」 令 在 場 人 士 側 目 。 至 早 上 小 兄 弟 的 母 親 自 行 到 警 署 協 助 調 查 ， 她 涉 嫌 虐 兒 被 捕 及 通 宵 扣 查 。 　 記 者 ： 區 恩 傑 、 黃 傑 偉

據 村 長 鄧 宗 偉 稱 ， 該 對 姓 張 小 兄 弟 ， 既 可 愛 又 可 憐 ， 他 們 有 超 過 10 次 被 獨 留 在 家 經 歷 ， 以 往 困 在 屋 內 ， 餓 到 呼 天 搶 地 ， 村 民 隔  鐵 閘 餵 餅  充 飢 ， 村 民 事 後 向 其 父 母 反 映 ， 可 惜 他 們 冥 頑 不 靈 ， 屢 次 再 犯 ， 村 民 亦 愛 莫 能 助 。 他 說 ， 今 次 小 兄 弟 被 困 於 鐵 閘 與 大 門 約 1 呎 闊 的 罅 隙 間 ， 「 村 民 以 為 佢  死  先 至 報 警 」 。 
村 民 憐 惜 報 警 求 助

兩 名 不 負 責 任 的 父 母 分 別 姓 張 （ 26 歲 ） 及 姓 傅 （ 21 歲 ） ， 村 民 指 出 ， 張 的 母 親 為 錫 降 村 原 居 民 ， 她 嫁 給 張 父 並 育 有 三 名 兒 子 ， 涉 案 的 26 歲 男 子 為 長 子 ， 一 家 原 本 居 住 大 嶼 山 ， 數 年 前 張 與 父 母 及 一 弟 搬 返 錫 降 村 ， 住 在 兩 間 隔 鄰 的 村 屋 。 張 父 現 職 保 母 車 司 機 ， 張 母 任 洗 碗 女 工 ， 據 稱 ， 張 與 傅 只 是 同 居 關 係 ， 張 父 母 對 她 早 已 不 滿 ， 不 願 幫 她 湊 仔 。
村 民 又 指 ， 張 於 18 歲 奉 子 成 婚 ， 與 妻 育 有 一 對 子 女 ， 現 年 6 歲 及 7 歲 ， 一 家 四 口 住 在 其 中 一 間 村 屋 ， 約 於 4 年 前 他 與 傅 女 搭 上 ， 享 盡 齊 人 之 福 ， 稍 後 傅 女 懷 孕 並 誕 下 長 子 ， 前 年 她 再 懷 孕 時 ， 挻  大 肚 子 由 張 陪 同 ， 返 回 鍚 降 村 。 張 妻 見 到 第 三 者 出 現 ， 非 常 憤 怒 與 張 大 吵 一 場 ， 並 帶  一 對 子 女 返 屯 門 蝴 蝶  外 家 。
據 稱 ， 張 一 向 不 務 正 業 ， 他 曾 任 職 茶 餐 廳 ， 但 多 年 來 沒 有 做 過 一 份 長 工 ， 傅 女 搬 入 同 居 後 ， 亦 無 工 作 ， 兩 人 並 經 常 爭 吵 ， 以 及 離 家 留 下 兩 名 兒 子 不 顧 ， 其 中 以 張 為 甚 ， 有 時 離 家 數 日 不 返 。 張 的 父 母 因 只 愛 錫 媳 婦 ， 對 傅 女 不 大 理 睬 ， 還 託 詞 工 作 無 暇 照 顧 孫 兒 。
傅 女 向 警 方 供 稱 ， 她 於 晚 10 時 半 離 家 ， 留 下 一 對 兒 子 在 家 ， 據 稱 她 與 張 前 往 深 圳 消 遣 。 被 獨 留 在 家 的 一 對 小 兄 弟 ， 被 發 現 時 在 鐵 閘 與 門 隙 間 ， 懷 疑 兩 歲 半 的 兄 長 ， 尋 找 父 母 時 打 開 大 門 ， 因 以 往 已 有 前 科 ， 結 果 與 15 個 月 的 胞 弟 一 同 被 困 。
他 們 穿 長 袖 衫 褲 及 外 套 ， 尚 算 保 暖 ， 只 是 較 為 骯 髒 ； 而 數 小 時 間 弟 弟 的 尿 片 已 經 重 甸 甸 載 滿 屎 尿 ， 走 起 路 來 一 跌 一 撞 幾 乎 甩 脫 ， 兄 長 的 褲 子 亦 沾 滿 屎 尿 。 兩 人 飢 餓 口 渴 ， 滿 面 淚 痕 惹 人 憐 惜 。 村 民 表 示 ， 前 晚 8 時 許 已 聽 到 兩 名 男 嬰 哭 哭 啼 啼 ， 一 直 至 凌 晨 零 時 也 未 停 下 來 ， 由 於 男 女 戶 主 經 常 獨 留 兒 子 在 家 ， 忍 無 可 忍 於 昨 凌 晨 3 時 許 致 電 報 警 。 

警 拍 門 祖 父 拒 接 收


警 方 到 場 發 現 兩 嬰 並 受 傷 ， 於 是 找 來 親 友 開 門 ； 小 兄 弟 又 餓 又 倦 ， 見 到 警 員 也 沒 有 哭 叫 抗 拒 ； 與 此 同 時 ， 警 方 在 附 近 找 到 小 兄 弟 的 祖 父 ， 不 料 他 斷 然 拒 絕 接 收 孫 兒 ， 還 黑 面 說 ： 「 佢  老 竇 老 母 梗 係 返  大 陸 啦 ！ 」 之 後 「  」 聲 關 門 。 警 員 無 奈 只 好 將 小 兄 弟 抱  送 院 ， 並 要 求 護 士 趕 快 替 他 們 換 尿 片 清 潔 身 體 ， 兩 人 需 留 院 觀 察 。 及 至 昨 晨 8 時 ， 傅 女 自 行 到 警 署 自 首 ， 她 被 警 方 以 涉 嫌 虐 兒 拘 捕 ， 並 被 通 宵 扣 查 ， 警 方 正 追 查 兩 嬰 的 父 親 下 落 。
 

貨倉

公司近日寄0左3套機去我到. 問題來了, 我果一百呎既工作間, 已經有一張床, 兩張bench, 一套HiFi, 一部notebook, 一部desktop, 一個衣櫃, 一個書櫃. 果3大箱野我仲邊有位放置佢地.
所以, 各位如果將來有機會home office, 真係要問清楚間公司d機有幾大部.
冇理由3大個箱放0係家居其他地方, 睇下間房仲可以點執, 留d位做"貨倉", 苦惱中.
我估如果美國公司d人見我咁放d機, 嚇死佢地都似.  仲有公司應該要每個月比d "倉租" 我.
睇來香港一般人生活空間細, 要home office真係考起好多人.

Prison Break

好耐冇追明珠台既劇集啦. 真係好好睇, 睇咁多集, 集集都有d野, 絕冇冷場.
男主角果種冷靜既頭腦, 精心既計算, 加上佢殺死人既眼神, 我諗都迷到唔少女fans.
當你以為主男既逃獄大計突然出了亂子, 為主角擔心, 但原來到後來先知係主角又一場精心既安排. 其實, 除0左主角2兄弟外, 其他角色各有性格, 各有背景. 雖然坐埋一條船, 但各有打算, 各懷鬼胎. 都為套劇生色不少.
今日果集, 佢地終於迫住要逃走, 越來越緊張. 來緊明珠台會一口氣播2小時Season 1既大結局.

濕地公園

尋日一個人走0左去濕地, 主要係去試下枝新既鏡. 另一個目的係試下去打雀.

一入門口個人做草坡都幾舒服.

濕地公園後面係高樓大廈, 我諗都算係香港特色啦. (呢日天氣都係麻麻, 個天都係朦朦地.)

一出展覽中心, 會見到貝貝之家, 佢都算幾威啦, 曾經令全城哄動.

始終係個一家大細都會去既公園. 設施做到好"完善".

依家香港都算係入冬, 濕地好多地方都變黃啦.

展覽館內snapshot.

濕地依家唔見有紅蟹, 只有彈塗魚.

濕地真係唔多適合打雀, 因為d雀真係好遠. 好多相用枝70-300, 加kenko x1.4, 之後仲要crop.  間中有1, 2隻行近d先影到.
(有d相 crop 得太細, 冇辨法, 唯有加sharp先好睇d)

黑臉琵鷺呀, 見到既都有廿幾隻. 隻隻都好努力搵食.

最開心係冇咩心理準備既情況下, 第一次見到翠鳥.

(不過, 真係好遠, 好細粒)

仲有呢隻, 唔知係咪都係翠鳥?

[網友話第一幅翠鳥叫係叫 "白胸翡翠", 第二幅翠鳥叫 "藍翡翠", 個名好正. ]