一個人上路

之前都有人問我為何喜歡一個人去旅行. 以前的確沒有想清楚, 只是自己覺得舒服, 喜歡, 所以咪去law.
我想現在有一個比較清晰既答案, 話說個零星期前, 同個舊同事飲野, 天南地北吹完一輪, 佢又問0左同一個問題, 當時幾杯落肚, 諗0左一陣 (一來真係要諗, 二來要諗下點用我有限公司既英文表達), 我就咁答, I like to be someone in somewhere. 係就係幾港式英文, 不過起碼我個同事都明白我想表達d咩.
當我一個人身處外地, 我係可以跳出平日在香港的自我, 做我想做的事. 做一個新環境入面一個獨有既個體. 或者有人會話我平時公司出trip都可以啦, 但係公司出trip都係代表公司, 始終有radhk呢個自我的框框.
又或者有人會問一個人上路時的"我"是否我的"真我"? 我真的不知道, 我只可以話我係幾享受間中跳出日常生活自我的框框. 去體驗一d新鮮既事物. 過一d不似日常番工放工既刻板生活.
當然我都enjoy同朋友, 家人一齊去旅行, 不過始終感覺不一樣.