昂坪360

個主題係啟迪身心, 我真係好想知有幾多個人去完有身心啟迪既感覺.

好在唔算好多自由行, 連埋買非都係排一粒鐘到.

架吊車話最多可以載17人 (坐位10個, 企位7個)

東涌來講, 呢日空氣唔算太差la, 不過都個天都係矇矇地.

唔記得帶CPL, 車箱內勁反光. 下面幅相可以睇到條cable有幾斜.

又越過高山又越過谷...

上面個"市集"都係呃遊客架啦. 不過真係唔係好多外國遊客, 香港人我估佔9成.

之後再行埋去心經簡林. 遠遠都已經見到鳳凰山.


中途d食店都佈置得幾攪野, 我形住夜晚呢度會有人0係到擘酒, 好有外國既青年旅社feel.

有興趣上山頂睇日出日落就由此路進.

心經簡林就係旁邊. 我中文麻麻, 有d字都唔識讀.

睇清楚d, 好多木簡其實都裂裂地, 有d仲有d"馬仔"馬實d裂痕.

簡林再加鳳凰山.

再行上幾級上0左個山仔, 可惜要趕住走, 唔係我估個日落都幾靚.

回程坐吊車走時個太陽差不多下山了.

人馬 vs 山羊

上回講到人馬同山羊為0左筆仲未確定來源既錢點用而有分歧. 最後既結果係, 用了幾個鐘頭做了兩個決定.
1. 第一個決定係, 人馬既購買慾係要滿足下既, 不過唔可以過度揮霍, 買埋d冇謂野, 所以用了一部份既錢買了一個防潮箱, 同一個腳架袋.
加多一個60L既防潮相, 解決了之前舊防潮箱既擠迫問題.

個新腳架袋係比原裝個袋好"咩", 唔會"咩"到fing來fing去.

2. 第2個決定係少少錢都好, 都走去銀行排隊買了一點基金. 平時冇咩留意投資d野, 唯有做0左"羊山羊太", 聽個service manager既意見買了一隻東南亞既低風險基金, 希望真係有合理既回報啦.
同時擁有2個完全相反既性格, 表面上來睇會係幾煩, 但其實任何星座都一定有本身既優點同缺點. 而我亦好興幸同時擁有人馬, 山羊2種完全相反既性格. 只要小心d manage, 其實係幾爽架. 當你要專注工作時, 山羊既性格可以幫到我, 而工作上我好多時都要一個人在壓力下冷靜地面對, 解決問題. 另外, 工作上既需要, 亦要經常同唔同既人交往, 呢個時候人馬既優點又用得著.
相反, 如果由得性格控自己, 分分鐘會manage得唔好, 要人馬既場合就出0左山羊既缺點, 要山羊既專心就出0左人馬既心散, 咁就真係...   點樣好好manage 兩種相反既性格, 我依然在學習中.
冇可否認, 細個時山羊係比較dominant. 好多時最後關頭 e.g. 會考前幾個月, Final year project deadline前幾個月, 都能夠習中精神完成要做既野. 如果唔係, 可能連中學都畢唔到業.  當然, 待人接物方面就好多時比人冷既感覺.
希望往後既日子, 真係能夠好好manage 兩種相反既性格, 待人處事各方面都比大家見到人馬同山羊既優點, 而唔係人馬同山羊既缺點.
0黎緊幾日, 要清理堆積了幾日既email及工作, 只好對人馬講聲sorry, 你係冇得放假. 呢幾日假期係山羊既工作日.

原來真係唔可以冇0左internet

26號晚一個地震, 香港成為一個孤島, 去外國既link差唔多斷晒. 最慘平日工作好靠email, 公司個email server 0係美國, 咁d circuit未好番都check唔到email. 真係死得啦.
估唔到平日用開既internet係咁脆弱.
*********************************************
12月28日下午update:
北京同事話佢果邊正常番,   所以依家d email要叫大陸同事用佢地d私伙大陸email account再send比我netvigator個account. 非常轉接.
仲有就係平時25號出糧, 因為假期, 照計27號應該有糧出, 點知仲未有, 都唔知係唔係間會計公司接觸唔到美國果邊, 所以未有糧出.
*********************************************
12月30日晚上update:
netvigator終於reroute好d traffic, 終於可以去到yahoo mail.

銀行個戶口突然多0左d錢

尋日見銀行戶口有2個存款, 個transaction簡寫係 FCY CLG. 唔知代表d咩?
一定唔係會計公司過數 (因為都唔係果個數). 照計有2個可能.
1. 有人入錯錢落我個戶口
2. 公司年尾有bonus. (依家間公司係咁怪, 如果有bonus都唔會有咩通知) 不過之前又未聽過話有bonus, 而且之前亦未試過有, 都唔知要搵邊個confirm?
照計1既可能性好低, 如果係2, 憑直覺感覺既人馬山羊座的我, 腦入面即時想到好多野想買; 但係人馬山羊理性果邊既性格, 0係冷靜下來又同我講, 筆錢你都係諗下點少少地做d投資啦.
睇來呢幾日內心都會有一番鬥爭啦.

銀根短缺

大時大節, 加上呢排有dd失控既消費, 本紅簿仔又開始乾塘啦. 最大問題係9, 10月既公司expense claim間會計公司仲未過數比我. 果度話多唔多, 話少都唔少, 都成個幾月糧. 都係要快d吹下間會計公司. 唔係呢幾日都幾難過.

魔幻南美洲, 跟世界熱戀308天

都好耐冇去圖書館. 有排都冇得去旅行, 唯有搵下d旅遊書, 一來可以搜集下d資料, 二來又可以睇下人地d旅遊經歷, 又發下夢.
早幾日就借0左呢兩本書. 魔幻南美洲既作者係台灣人, 而跟世界熱戀308天既作者就係香港人. 前者就比較資料性重d, 好多有關既歷史同背景資料都有記錄. 而後者就比較遊記性質重d, 輕輕鬆鬆, 屬於寫我心情類型.
作為休閒讀物, 自己就幾覺得都係香港人寫既野0岩channel d. 好睇好多. 作者非常厲害, 一個人出走308天, 由香港出發, 走了亞洲, 非洲, 中南美多個國家. 當中有經過幾個治安唔多好既非洲國家, 最後仲挑戰5千9百米既非洲最高峰. 的確好令人配服.  (叫我0係果高度坐下我諗我都得既, 但叫我由1千幾米5日內走上成6千米, 我肯定做唔到啦) 不過, 行完有張寫住你個名既證書, 實在係令人羨慕既.
睇完本書, 都有幾多有趣既野值得提下, 思考下.
1. 作者係做旅行記者. 其實旅行記者係做d咩架? 開頭諗好似好正咁, 不過諗番自己都成日出trip, 如果去既地方係為0左工作, 去睇, 去影d未必係自己鍾意既野, 咁就未必會開心喎.
2. 原來有種叫環球機票, 比你向東, 或向西飛, 環繞地球一周. 我以前都唔知有呢種機票.
3. 英女皇比Malawi既國民係有本"萬能"既passport, 去邊個國家都唔駛visa, haha 唔知係咪真係用到架.
4. 作者提到既"旅行語言"我都好認同, 基本上大家能夠係路上遇上, 好大情度都係因為大家有共同, 及相似之處. 有同一樣的"語言", 基本上都係同一類人.
5. 中東男人"咸濕"外國女性既原因係因為佢地睇得荷里活電影多.
6. 作者把快樂量化, 提出"快樂尺"既concept簡單而好用, 將所有既事都評為第幾級既快樂, 凡事向好方面諗, 人就自然更加快樂. 不過我覺得亦唔可以下下只拎把快樂尺出來, 間中拎把痛苦尺度下, 你先會更加覺得快樂既可貴.
最後作者有個website放0左d相. 可以去下面條link睇睇.

http://community.webshots.com/user/2travel2
仲有佢既訪問.
http://www.rthk.org.hk/rthk/radio5/worldtravel/20060616.html

*************************************************************************
2006/12/26 update:
係travellife見到更多有關登非洲第一峰Mt. Kilimarajaro既post, 睇上來又好似唔係遙不可及.

 

http://www.travellife.org/viewtopic.php?t=13706&start=0
http://www.travellife.org/viewtopic.php?t=13661

墨攻

一套都幾想睇既"港產片" (我諗都算係港產片). 有日行大陸書局, 原來大陸正版已經出0左. 咁當然一入買番屋企慢慢睇.
對套戲有興趣既原因係都幾鍾意中國古代既戰爭藝術, 冇錯魔戒西方式既戰爭場面係拍得好浩大, 但只係一味死衝, 沒有謀略, 欠缺0左中國戰爭果種鬥志鬥力既原素. (所以我係好鍾意睇以前大陸拍果套三國電視劇, 希望吳宇森快d拍好套赤壁.)
套戲個名好得意, 墨攻, 但墨家係主將非攻. 是否代表以"非攻"既表現去"攻" (即宣揚墨家既精神). 所以叫墨攻?
講番套戲, 其實戰爭場面都係拍得唔錯, 當然拍唔到西片果種千軍萬馬既氣勢, 但中國人戰術既心思, 好似攻其不備, 以少勝多, 挖地道, 水攻, 孔明燈等樣樣都有. 套戲係講強弱懸殊既守城戰, 照計可以拍得好悲壯感人, 但係睇完又唔多覺. 可能中間轉穿0左d唔湯唔水既"愛情戲份". 套戲係尋晚幾夜先睇, 中段真係差d訓著. 我覺得如果0係如果用多d時間著墨0係革離, 子團, 太子, 及城中軍民之間既關係, 可能會好d.
套戲搞野既地方係搵個黑人來做奴隸, 果個時代, 或者真係有非洲人去到中國, 但都唔好搵個個樣咁現代既黑人, 個樣成個依家d美國人咁.
總結成套戲不過不失, 唔睇又唔係咩捐失. 不過, 有機會我諗要睇睇原著漫畫係點.
題外話, 突然好想睇番有關墨家思想既書. 記憶中, N年前我係"被迫"take過一個"中國文代及哲學思想"既course. 應該係有本書講幾家思想, 但搵來搵去都搵唔到.