2007年4月16日 星期一

新聞一則

南華對傑志賽事全場爆滿
[15/04 星期日 15:56]

本地甲組足球聯賽,下午在旺角場上演兩場比賽,其中榜首大戰,南華對傑志在下午四時開波,八千多張門票,全部售罄,足總呼籲未購票的球迷,不要到球場。

點解會post呢則新聞, 因為尋日我就係受害球迷之一, 爆棚對香港足球來講直頭係歷史(對上一次都成十幾廿年前), 所以尋日大安旨意3:30pm先去到球場, 就係咁被拒諸門外.
BTW, blog個人相片的荷花相用了太久, 係時候換換來點新鮮感. 想了一會, 找了一幅在玉龍雪山上拍的相片. 第一次在4千多米的地方看見雲海, 當時實在興奮. 手中只一部傻瓜DC, 當時什麼影相技術都不懂, 但拍出來的效果, 跟當時的心情一樣, very good. 
去到門口, 見到紅旗高掛, 心知不妙.

有心既球迷, 一早買定飛, 可以一個個排隊入場.

無飛既球迷, 包括我, 唯有望門輕嘆.

0係外面睇, 球場入面企滿晒人.




8 則留言:

  1. 嘩!張相咁細幅都覺得好靚呀,真係唔咁想像當時現場睇係幾壯觀

    回覆刪除
  2. 講開又講,點解會爆場呀?

    回覆刪除
  3. 你問我點解會爆, 我都唔知. 場球係就係關乎南華贏唔贏到聯賽冠軍 (南華贏波就冠軍). 但係本地足球, 一向入場都係小貓三四隻. 如果係今屆既南華, 比到盡都係3, 4千人入場. 可能香港d球迷太耐冇藉口入場睇波, 餓睇現場波太耐.

    回覆刪除
  4. 哦 睇唔到波,真係慘

    回覆刪除
  5. 真係好耐無見呢種情況 以前去大球場都要排長龍買飛 而家連旺角場都坐唔滿 球迷咁支持,希望球員們生生性性

    回覆刪除
  6. Jansen , 以前球市好d既時候, 旺角場要爆都唔易. 希望好似南華班主羅生所講, 有日會令到大球場都掛紅旗.

    回覆刪除
  7. 噢,我本來都想入場呀,但後尾懶...我反而鍾意睇香港隊多d. 其實十年八年前,好多時d 杯賽決賽係大球場打,都過萬架,仲記得有場好似南華對愉園定快譯通,踢到四比三,好鬼激.

    回覆刪除
  8. geoffrey   我以前都好鍾意睇香港隊. 好多香港球員睇住佢地出道, 睇住佢地收山. 記得好耐以前有場奧運外圍賽, 當時既奧運隊, 前面係歐偉倫加黃志強, 中場有招重文, 羅繼華... 主場對日本仲贏3:1. 不過, 呢幾年都冇咩留意本地波lu, 所以香港隊大部份人都唔識.

    回覆刪除