學人去做龍友

8/23, 8/24兩日學人去做龍友, 參加了一個兩日一夜的攝影團. 目的地係英德, 之前都唔知係邊, 個團深圳出發, 以為英德都應該係無幾遠. 點知一坐就坐0左四個鐘車.

個攝影團第一站係 - 水泥廠. 唔係卦... 沙塵滾滾... 去影咩?

二三百人就係咁塞爆個水泥廠. 



影咩呢? 話影水泥廠工人既工作情況喎. 點知工人得小貓三四個...

 收得人錢搞攝影團, 如果淨係得工人影, 團友一定大叫回水. 所以呢... 專業毛豆出場啦. 

  

毛豆非常專業, 加上帶團導師的專業指導, 站位, 擺pose全部自動波, 團友所需要的只是不停按下快門.  

咪睇個專業毛豆表情咁輕鬆, 當日烈日當空, 企一陣已經出晒汗. 而且四周環境真係好多沙塵.

  
水泥廠之後一站, 就係一條當地的小村. 

一場舞獅大龍鳳原來0係村空地等緊大家, 大家圍住又狂按快門.

 

跟住呢, 又係毛豆出場, 導師教大家放煙, 製造氣氛. 

 

返到酒店, 節目仲未完, 導師0係大堂教大家玩閃燈攝影.

 第二日的重點是到附近的一個茶園.



 影呀, 影呀, 真真假假採茶工人都不放過.

 

影到咁上下時間, 又係毛豆時間.

第二個景點兼午飯地點, 就係再坐多一粒鐘車程的渡假村.

除0左毛豆, 仲有花影. 就係咁, 兩日一夜的攝影團就完結, 又坐多五個鐘的車先至返到深圳.