愚公移山

首先介紹位新朋友先, 佢係一部cd機, 一部擴音機, 一部NAS, CAS player, 一部rip CD碟的小盒子... size細, 放0係房唔阻地方.

其實佢都唔算新朋友啦, 因為都買0左個幾兩個月.

 點解咁耐先介紹佢呢... 因為買0左佢返來之後, 要進行愚公移山般的 "大工程", 先可以發揮到佢個功用...

就係將屋企所有CD, 經佢抄晒落去佢入面隻harddisk... 屋企的CD話多唔多, 話少都唔算少... 原來都有四百幾隻. 就係咁一日抄幾隻... 終於完成0左成個愚公移山一樣的大工程.

痛苦一次換來的是以後聽歌的便利. 以後要搵邊隻碟聽只要一click就搞掂. 

最後加上自己對呢位新朋友的評價:

好處:
1. 一部機功能齊, 可以rip 碟, 可做cd機, cas player, 可做NAS(廳部av amp都可以play到入面d歌), 一部搞掂晒
2. size細, 放0係房的工作檯唔佔地方
3.  一個字, "平". 比起好多音響大牌子, 佢個價只不過係一條音響線的價錢.
4. 佢個optical out音質都可以接受, 接入房套機都夠聽.
5. 可以一路播歌, 一路rip碟, 又一路用電腦經web interface修改files的資料. 不過, 同時幾樣工作一齊做, 部機反應會慢, 我諗個processor都係有限公司.

不足之處:
1. 牌子細, 早前send email 話出中文字有問題, 都無人覆email. support應該無物.
2. 如第一點所講, 唔知點解部機個screen, 有d中文字出唔到. (用web, ipad 睇就無問題)
3. 佢個audio out, speaker out質素麻麻地, mini HiFi咁上下 (其實佢個價都係咁上下, 所以唔可以要求啦).
4. 韓仔design, 個英文interface唔算好user-friendly, 但基本上夠用既.
5. 無coaxial out (所以要買過條好d既光纖...)
6. network只係10/100M.