黑臉開餐

0係麗江個觀鳥行程唔多夠喉. 返到香港, 探下來香港過冬既黑臉琵鷺先.

今日算好彩, 有3, 4隻0係 "射程範圍". 叫做唔駛食白果.

朝早天氣和暖, 佢地非常生猛. 充滿活力.

佢地可能都習慣0左d龍友, 有時走得幾近, 直望住我, 都唔怕人.

做完熱身運動之後, 要開始搵食啦.

佢地的確好忙, 一路行, 一路低頭用個大咀兩邊擺.

開頭以為條河仔應該得d魚仔蝦仔. 點知佢地d早餐, 原來已經好豐富 - 超級大魚一條.

可憐既魚兒當然不甘心成為人地既點心. 努力掙扎.

當然, 黑臉用0左dd時間, 就將佢既早餐打包, 準備慢用.

但其實, 四周圍都好多其他朋友 "眅" 到實. 除0左鸕鷀.

仲有蒼鷺. 黑臉見到來勢凶凶既蒼鷺飛埋身. 一邊架起迎敵既姿態, 一邊將本來慢慢享用既點心, 一啖吞落肚. 蒼鷺想以大欺小都奈佢唔何.

睇完黑臉食個靚早餐之後. 睇睇濕地既其他雀仔.

覺得反嘴鷸既步姿永遠都係好優美.

就算搵食都係鬆容不迫.

兩隻同一時間單腳的長腳鷸.

飛行中, 拉到直一直的長腳鷸.

以數量計, 附近既鸕鷀都為數不少. 大戶人家.

呢位人兄叫白鶺鴒. (好彩有本鳥類圖鑑0係手).

成日見既 "豬屎渣".

其實今日仲有2次見到翠鳥, 不過, 都係比佢發現0左我, 先過我發現佢.