2013年1月19日 星期六

黑臉開餐

0係麗江個觀鳥行程唔多夠喉. 返到香港, 探下來香港過冬既黑臉琵鷺先.

今日算好彩, 有3, 4隻0係 "射程範圍". 叫做唔駛食白果.



朝早天氣和暖, 佢地非常生猛. 充滿活力.







佢地可能都習慣0左d龍友, 有時走得幾近, 直望住我, 都唔怕人.



做完熱身運動之後, 要開始搵食啦.




佢地的確好忙, 一路行, 一路低頭用個大咀兩邊擺.




開頭以為條河仔應該得d魚仔蝦仔. 點知佢地d早餐, 原來已經好豐富 - 超級大魚一條.




可憐既魚兒當然不甘心成為人地既點心. 努力掙扎.






當然, 黑臉用0左dd時間, 就將佢既早餐打包, 準備慢用.




但其實, 四周圍都好多其他朋友 "眅" 到實. 除0左鸕鷀.



仲有蒼鷺. 黑臉見到來勢凶凶既蒼鷺飛埋身. 一邊架起迎敵既姿態, 一邊將本來慢慢享用既點心, 一啖吞落肚. 蒼鷺想以大欺小都奈佢唔何.



睇完黑臉食個靚早餐之後. 睇睇濕地既其他雀仔.



覺得反嘴鷸既步姿永遠都係好優美.



就算搵食都係鬆容不迫.



兩隻同一時間單腳的長腳鷸.



飛行中, 拉到直一直的長腳鷸.



以數量計, 附近既鸕鷀都為數不少. 大戶人家.




呢位人兄叫白鶺鴒. (好彩有本鳥類圖鑑0係手).



成日見既 "豬屎渣".



其實今日仲有2次見到翠鳥, 不過, 都係比佢發現0左我, 先過我發現佢.




















9 則留言:

  1. 蜓子...................2013年1月20日 下午12:01

    拍得好漂亮,,,,,,,,,,,,,,,,,黑臉琵鷺的咀好怪怪....
    [版主回覆01/23/2013 19:30:07]都話有本鳥類圖鑑0係手.
    [蜓子...................回覆01/23/2013 09:52:36]你連什麼鳥都知道,,,,,,,,,,
    [版主回覆01/22/2013 23:25:55]就係咁怪先搵到死.

    回覆刪除
  2. 謝謝你帶我們近距離觀鳥!由於我的相機不好,其實從來都未看真鳥的面貌。
    [版主回覆01/22/2013 23:37:52]香港觀鳥既距離真係好遠. 可以去既地方又唔多.

    可能外國會好D. 我都希望將來有機會可以近D觀鳥.

    回覆刪除
  3. 搵食和爭食都比你影到, 收穫豐富!
    我舊年去時牠們已經走晒, 緣慳一面!
    [vivian回覆01/23/2013 00:05:35]好似二月份; 影都無隻!
    [版主回覆01/22/2013 23:30:41]今次都算有收獲. 因為果幾隻特別醒神生猛.

    緣慳一面? 你幾時去?

    回覆刪除
  4. 張張精彩, 仲影得好大隻
    [版主回覆01/22/2013 23:28:45]有D相差唔多要去到100% crop. resize 0左都可能唔覺問題. 一放大睇就好難收貨了.

    回覆刪除
  5. 好靚~打交個段好生動!
    [版主回覆01/23/2013 07:07:11]係呀, 企0左個幾鐘, 得果段最有睇頭.
    [版主回覆01/23/2013 07:06:42]係呀, 企0左個幾鐘, 得果段最有睇頭.

    回覆刪除
  6. 請問要用幾長既焦距,至可以影到咁大隻既黑臉琵鷺?
    [版主回覆01/23/2013 07:14:26]我用 300mm 加 x1.4 再加上APS-C 相機再 x1.5. 應該係窮人既拉衫尾組合. 所以仲要大幅度crop相先得. 當然仲要佢地走得比較近 (我估百米內).

    其他師兄師姐, 影鳥入門都 500mm 起跳.

    回覆刪除
  7. 咁多運動, 唔怪得個個都咁苗條.
    輯相好靚!
    [版主回覆01/26/2013 08:22:06]係呀, 日日開大餐都身型苗條.

    回覆刪除
  8. 黑面這個名不太好,不如叫大嘴巴啦~
    [版主回覆01/31/2013 23:29:59]佢地個嘴, 真係又大又扁.

    回覆刪除
  9. 遠睇似天鵝, 都幾靚,最開心既係接觸大自然
    [版主回覆02/15/2013 08:47:31]係呀, 大自然世界簡單直接. 面對大自然輕鬆自在.

    回覆刪除