夠鐘起身?

對上一間公司, 都係怕0左d辦公室政治, 所以選擇起身走人.

0係依家呢間公司都6年幾. 人少少, 同事間都係幹實事, 總算0係商業社會中既"人間淨土".

但今日, 上面老細無啦啦比人叮走. 睇來又將會有一場順我者生既場面. 或者又係我夠鐘起身既時候.

秋高氣爽 - 宜郊遊

好耐都無去探史諾比啦.

原來對上一次已經係三年前既事.

http://blog.yahoo.com/radhk/articles/79581

今次無上之行鑊甘. 只係由西灣亭起步. 輕輕鬆鬆入大浪西.

天氣雖然唔好, 影相效果麻麻. 不過好處係行得舒服.

必經的獨木橋.

半hea, 半行下. 好早已經可以出返市區. 朋友推介以自助遊為主題的Cafe.

http://www.facebook.com/thealchemistcafebistro?sk=timeline

胡琳又出新碟啦

Jazz Them Up 絕對係一隻0係我屋企播放率極高既碟.   胡琳出道六年, 兩年前Jazz Them Up絕對係令佢讓更多人認識.

或者佢既音樂, 現時0係香港樂壇依然並非最主流, 但今年可以出兩隻專輯, 連續兩年開個人演唱會. 成績可以算係非常不俗.

尋日有幸出席短短的分享會. 主角除0左胡琳, 仲有KEF既型仔speaker, Blade.

除0左胡琳外, 佢個經理人, Patrick亦有出席. 以往心目中d經理人, 或者只係安排下宣傳, 傾下合約. 但聽完Patrick既講解, 對 "經理人" 三個字又有更進一步既認識.

影既相唔多, 送上兩張胡小姐既相.

另外現場買碟, 除0左有即場簽名. 仲平過出面$15大元. 至於呢隻碟好唔好聽, 我仲未有時間聽tim.

終於可以鬆返D

我都唔記得對上一次認真拎起相機係幾時. 今個星期六, 日, 終於有返我自己既私人時間.

其實我發覺我都幾易滿足. 只要可以完全忘記工作, 拎起相機, 淨係專注眼前張相應該點影, 心情就自然好似牛仔兩仔爺加起來一樣. 一個開心滿足, 一個閒適舒暢.

所以下面幅相亦我今日我最鍾意既相. 真係好耐未試過有呢種心情.

漫畫星光大道有咩成員, 第一個要影既當然係馬生既風雲角色.

其實對武打漫畫認識唔多. 另一個比較熟既系列係中華英雄.

呢個漫畫化既李小龍又幾難認得出.

王小虎個名就不時都會聽過, 不過只係知係黃生龍虎門系列既主角.

物古惑仔都有出漫畫, 真係唔知.

其他武打漫畫就更加唔知啦.

原來連射鵰都有份.

個郭靖個正面靚仔樣大家睇.

睇完D硬橋硬馬, 又點少得近年最多人識既麥 dull.

要數上一代既代表應該係老夫子.

係啦, 點解咁耐都無女角既? 拿拿拿, 先出一個靚女睇下大家0岩唔0岩?

唔0岩既, 呢個又如何?

拿拿拿, 全場唯一既靚女就係佢啦. 又真係幾靚女下.