). 但四年才一次的世界盃, 真的沒有理由錯過. 世界盃到今天, 已經到了產生四強之後的小休. 淨下只得最後4場賽事. 這兩天正好讓連日來捱更抵夜的球迷們養精蓄銳. 為迎接最後的賽事. (不知各位睇了多少場賽事? 有否長了熊貓眼呢?)
四強之中, 有我最喜愛的荷蘭. 老實講. 今屆其實荷蘭打得不算出色. 起碼在球迷們看來不算精彩. 基本上打得好個人化, 好少打出靚的組織. 前面雲佩斯狀態麻麻, 基本上只是靠一個洛賓. 全隊打得比較保守, 中場支援亦不足. 個人覺得比98年, 甚至比上屆的荷蘭還要差.
今屆新的足球又成為話題. 在電視上所見, 新的足球去勢的確比較飄.
不單對龍門是惡夢, 對射手來說也不是好事. 你看各大球星平日的百步穿楊, 今屆實事都變成一飛沖天. 一些看來命中龍門的射門, 將近門框時又會飄出門框之外.
或者今屆賽事在技術的層面上來說, 不算十分精彩. 但賽事的戲劇性, 話題性, 今屆真的很豐富. 一開始是英國龍門的世紀漏油事件. 北韓第一次全國直播, 卻是一場大屠殺. 全世界都睇到林伯的入球, 卻只有球證, 旁證看不到
. 英軍因此被德國澈底地擊到. 又有烏拉圭蘇亞雷斯加時最後一秒鐘使出上帝之手護空門, 而對手又真的12碼不入
. 蘇亞雷斯因此成為國家英雄. 今屆32隊球隊, 我覺得最好的仍然是巴西. 他們對荷蘭的那場比賽, 踢出了今屆最具侵略性及壓迫性的45分鐘. 是個人技術加上有紀律的組織的完美發揮. 荷蘭完全招架不住.
現時最後四強, 烏拉圭雖然打得穩陣, 但始終實力仍是二線球隊. 相信荷蘭小心應付, 荷蘭入決賽不難. 西班牙號稱地上最強, 不過, 看他們的比賽, 依然有點華而不實的感覺. 而且後防, 龍門也不是很穩固. 面對德國快上快落又有組織的攻擊, 相信入決賽的是德國. 德國我覺得是繼巴西之後最好的球隊, 對英國, 阿根庭時打出來的快速反擊, 非常有效率. 當然我仍然希望荷蘭可以首奪世界盃, 但相信要有點運氣幫忙才可以了.
我都覺得新的足球係有問題, 連美斯都射成咁!
回覆刪除喂, 我唔係馬後炮, 一早話睇好德國啦! 至於洛賓一比人封住隻左腳就無晒威脅, 點贏呀?
[版主回覆07/07/2010 13:57:00]今日荷蘭d人走位靈活好多. 洛賓除0左左腳仲有個頭tim.
荷蘭隊沒有令你失望入了決賽....唔知會對西班牙還是德國呢?
回覆刪除[版主回覆07/07/2010 13:59:00]另外邊隊入決賽我都無所謂. 不過, 如果西班牙入就對荷蘭著數d.
昨晚是我首次看半夜波 (因為肚瀉要起來...), 我本身也認德國有冠軍相, 可惜, 又是戲劇性的結果, 西班牙打出最高水準的一場, 是可觀的賽事!
回覆刪除重, 我今年估賽果超過七成唔中, 我都係要信德國八爪魚Paul的預測好過 ~
Enjoy the games ~
[版主回覆07/09/2010 07:09:00]所以一般人賭波都係輸錢多. 如果真係要賭, 都係參考下保羅既意見先好啦.
八爪魚保羅話西班牙勝出....佢才是明燈呀!! 荷蘭隊冇行啦~~係米好失望呢
回覆刪除[版主回覆07/10/2010 08:53:00]你唔知保羅上次歐洲國家盃決賽都係估錯架咩. 所以佢揀西班牙就0岩啦.
仲有呀, 有個來自未來既人話荷蘭贏 2:1. 好堅下, 記得去馬會買10蚊支持下.
http://tieba.baidu.com/f?z=797481906&ct=335544320&lm=0&sc=0&rn=30&tn=baiduPostBrowser&word=2012&pn=0
烏拉圭呢球好勁﹗今晚好想睇，但聽日要返工
回覆刪除[版主回覆07/11/2010 17:37:00]入波既科蘭, 我都覺得佢好正. 今屆我覺得佢打得好好, 前面真係佢帶住來踢, 佢補時差d入多一粒. 可惜中楣咋.
今朝較定鬧鐘 2:30am 起身睇波, 不過場波一般般,
回覆刪除結果轉咗去無線睇電影 ... "跟蹤" !!
[版主回覆07/13/2010 10:16:00]呢場波真係緊張而不精彩. 你轉台都0岩既.
踩場~~西班牙好野!!保羅好野!!! (係米想今個月餐餐食八爪魚報仇呢... )
回覆刪除[版主回覆07/13/2010 10:18:00]保羅真係無野好講啦. 全中. 跟佢真係贏大錢啦.
btw, 我反而想買隻八爪魚幫我抽下六合彩.