如果今天是生命的終結...

你會有什麼後悔嗎?

多謝這位好友在我生日時送給我這條問題.  正正提醒我從明天起有什麼我是需要去做的, 有什麼是之前做得不夠或不好. 簡簡單單的一個問題, 卻令到我少了迷惘.

各位朋友, 這個簡單的問題對你有啟發性嗎?

至於我這位遲我一天生日的好友, 她的答案是即使生命在下一刻終結, 她都是不帶一點遺憾或後悔.

我希望有一天, 我也有同樣的答案.

人生的下半場

錯過了前陣子的書展, 一直想找和仔的自傳, 一直在各大書店都找不著. 不想花時間找, 原來在網上是可以訂購的. 而且還是有親筆簽名的簽名版.

從書中了解和仔, 其實跟在球場上認知的和仔沒有太大的分別. 依然是 "幾惡", 幾火爆, 熱愛足球, 勤力而又幾識用腦的球員. 三十幾歲依然可以成為香港足球先生, 足球生涯可以踢到四十幾歲, 除0左香港足球積弱外, 和仔本身的努力, 熱誠絕對是他成功的因素. 難怪他被喻為香港最後的一個球星.

這本書其實亦帶出一個我經常在迴避的問題. 人生的上半場已經完結, 現在是中場休息檢討的時間, 到底人生的下半場應該怎樣踢才好?

其實一直都以忙為借口, 一直不去想這個問題. 和仔會向他陌生的領域 - 講波, 大踢進攻足球. 自己又如果面對下半場好呢? 我的上半場, 總算有些運氣的幫助, 整個上半場hea住踢, 仍然沒有處於落後.

整個人生的上半場可算是大部份時間都是順風順水. 自少讀書從來不是問題, 我想我父母最開心莫過於從來都不用為我的學業而煩惱. 小學, 中學放學後還有時間幫母親幹點手作仔賺錢, 會考有運, 居然爆冷是全班最好成績的一個, 很順利連A level也不用考做已經可以入大學. 當然, 畢業後的數年, 要過著還了grant & loan, 給了家用而沒錢淨的日子, 也不算太順境. 而最低潮時, 應該只是SARS時期, 公司關門大吉而失業了2個月. 幸運地失業的時間不長, 很快又重投勞動市場, 而且更開始要習慣酒店為家的生活. 一轉眼又6年了. 雖然同其他同學比, 絕對不是什麼事業有成 (其實真的一點成就也沒有). 不過, 以我人生上半場的形勢, 下半場其實可以選擇有不同的踢法.

繼續hea住踢, 我想再踢多十年, 我估計應該可以退休了. (當然希望現時效力的球隊不要散band.) 或者學和仔一樣進取點, 踢出不一樣的踢法, 但當然風險是會踢得辛苦, 而上半場的優勢可能會失去. 又或者以上兩者加起來... 不過, 暫時還沒有把下半場的方案仔細想好...

或者各位的下半場又打算怎樣踢呢? 或者你們的踢法可以給我一點啟示

P.S. KL真的很悶, 我覺得比新加坡還悶. 要不然都不會星期天在酒店打這樣長的blog. KL咁悶, 難怪同事介紹馬來西亞的 2nd home program, 只需 RM$100k deposit. 但我想我也不會考慮了.

世界盃到尾聲了

自從有線沒播英超, 已經比較少留意國際足球. 比如對巴西的認知, 仍然停留在細哨是必然正選 (你話幾out呢). 但四年才一次的世界盃, 真的沒有理由錯過.

世界盃到今天, 已經到了產生四強之後的小休. 淨下只得最後4場賽事. 這兩天正好讓連日來捱更抵夜的球迷們養精蓄銳. 為迎接最後的賽事. (不知各位睇了多少場賽事? 有否長了熊貓眼呢?)

四強之中, 有我最喜愛的荷蘭. 老實講. 今屆其實荷蘭打得不算出色. 起碼在球迷們看來不算精彩. 基本上打得好個人化, 好少打出靚的組織. 前面雲佩斯狀態麻麻, 基本上只是靠一個洛賓. 全隊打得比較保守, 中場支援亦不足. 個人覺得比98年, 甚至比上屆的荷蘭還要差.

今屆新的足球又成為話題. 在電視上所見, 新的足球去勢的確比較飄.

不單對龍門是惡夢, 對射手來說也不是好事. 你看各大球星平日的百步穿楊, 今屆實事都變成一飛沖天. 一些看來命中龍門的射門, 將近門框時又會飄出門框之外.

或者今屆賽事在技術的層面上來說, 不算十分精彩. 但賽事的戲劇性, 話題性, 今屆真的很豐富. 一開始是英國龍門的世紀漏油事件. 北韓第一次全國直播, 卻是一場大屠殺. 全世界都睇到林伯的入球, 卻只有球證, 旁證看不到.  英軍因此被德國澈底地擊到. 又有烏拉圭蘇亞雷斯加時最後一秒鐘使出上帝之手護空門, 而對手又真的12碼不入. 蘇亞雷斯因此成為國家英雄. 

今屆32隊球隊, 我覺得最好的仍然是巴西. 他們對荷蘭的那場比賽, 踢出了今屆最具侵略性及壓迫性的45分鐘. 是個人技術加上有紀律的組織的完美發揮. 荷蘭完全招架不住.

現時最後四強, 烏拉圭雖然打得穩陣, 但始終實力仍是二線球隊. 相信荷蘭小心應付, 荷蘭入決賽不難. 西班牙號稱地上最強, 不過, 看他們的比賽, 依然有點華而不實的感覺. 而且後防, 龍門也不是很穩固. 面對德國快上快落又有組織的攻擊, 相信入決賽的是德國. 德國我覺得是繼巴西之後最好的球隊, 對英國, 阿根庭時打出來的快速反擊, 非常有效率. 當然我仍然希望荷蘭可以首奪世界盃, 但相信要有點運氣幫忙才可以了.

世界盃: 一個好正既廣告

唔知非洲係咪真係咁正呢.

返來啦...

今日終於返香港, 可能真係年紀大, 今次自由行之後好疲累, 昏迷0左大半日, 依家精神好返d.

上次出發前要大家估去邊既問題, 可能太易估. Anyway, 所有有留過言既網友都有小小既紀念品.

因為帶去既cash唔多夠, 最後一日真係0岩0岩好夠錢坐的士去機場. 所以紀念品真係小小咋, 作為一點心意, 希望唔好介意.

以下blog友, 晴軒‧兜兜, 巴黎旅客 Voyageuse de Paris, Silvia Lo, vivian, Pikasum, EK, 萬能發@笨思娜, Sloppy Joe, Mak Mak, 車厘子, 請0係以下紀念品挑選一份, email你所選既紀念品, 以及你地收件地址. 先到先得.

P.S. my email: ck_lee_hk@yahoo.com

CUBA字樣木盒仔 (共有4個名額)

碎布公仔 (共有5個名額, 可指定是那一個)

磁石公仔 (共有3個名額, 可指定是那一個)

飾物手鏈 (共有4個名額, 可指定是那一條)

另外, 幫朋友買0左d 雪茄 sample, 如果有人有興趣, 可以撥一枝出來作為紀念品.

當收到各位email之後, 我會回覆confirm. 不過, 因為後天要出trip, 所以寄出要點時間.

最後, 多謝各位一直以來既支持. Thank you.

2010新年快樂

新一年, 先同大家講句新年快樂.

2010, 一個感覺幾未來既數字, 終於都變成現在式, 時間真係過得好快.

今年一月行程將會好充實. 好耐無做過trainer, 上個星期老細assign 0左個training比我搞, 呢幾日假期 per-lab, 準備下d materials, 下個星期可以出發出泰國, 一個都成年幾兩年無去既國家, 又有點期待.

跟住會返香港幾日, 希望可以同香港個partner完成埋個PoC. 跟手就會飛去join公司每半年一次既company meeting. (上年我地region生意唔錯, 希望今年人工都加得唔錯啦 )

company meeting之後, 我會放假啦.  去邊?  同大家玩個有獎競猜遊戲啦. 獎品會係今次目的地既手信. (不過, 我都未知會買到d咩手信喎).

我既行程會係咁:

Hong Kong -> Toronto -> Montreal -> Toronto -> ??? -> Toronto -> Hong Kong

??? 就係我今次放假既目的地啦

再比多dd tips啦. 今次旅行希望會準備得好d. 尋日去0左申請visa, 換外幣. 買phrasebook, CD...

另外, 舊既行山鞋都陪0左我一段日子, 個底都行到滑晒, 係時候退役. 感謝佢同我走過咁多唔同既地方, 雲南, 西藏, 巴基斯坦, 印度 ...

最後, 再祝各位新年進步, 二月再見...