2018年11月13日 星期二

澎湖馬拉松 2018 - 人生的第一個半馬


世界最美麗海灣, 全球十大最佳世外桃源島嶼, 跨海+跳島... 難得朋友介紹一條咁正既馬拉松賽道, 雖然自己沒有跑半馬的實力, 左算右算, 自己跑十幾K, 再行幾K, 點樣都一定可以在4小時內完成, 所以就膽粗粗去報名. 

出發前收到下面大會的補給資料. 死火, 會唔會掛住食搞到超時 😅 不過, 諗起沿途的美景, 美食, 絕對是未出發先興奮. 😄





比賽前一晚由台中抵達澎湖, 在酒店安頓後, 早點上床, 比賽日5時起來, 坐大會安排的旅遊巴到西嶼遊客中心的起點. 

起跑前少不了的大會儀式... in Taiwan Style... ok 啦. 


紀政... 估唔到請到佢為大家打氣.


半馬, 全馬的選手唔算太多, 千多人跟台上的台灣辣妹做熱身, 算是台灣特色卦. 😅


 全馬7時出發, 半馬遲5分鐘出發. 天剛亮, 開始時天色還不錯.


賽事首5公里是先到西嶼的盡頭 - 燈塔, 再折返起點. 跑了不久, 遇上小島天氣, 一大片烏雲在前面等著各位跑手.


頭2公里一路下著微雨, 對跑手來講沒有什麼影響.


去到燈塔領手帶, 開始折返, 證明無偷雞. 🐔 (下面幅燈塔相係另一日補影, 比賽時邊有咁好天氣).


4公里過後雨勢漸大, 搞到要不時抹眼鏡, 但其實涼涼地總好過烈日當空. 



不過, 好快雨雲已被吹離小島, 天色又開始放晴. 😔



雖然好多時都是跑馬路, 但沿途風景的確令人賞心悅目.



而且賽道是專登安排跑手走過多個當地地標景點.


以及為大家帶來小島沿岸風景. 不過, 太陽伯伯太給力, 開始跑得有d辛苦, 當然我亦有準備😎.





澎湖另一特色是風很大, 永遠覺得你係逆風而跑, 加上玉免颱風的殘餘環流, 尤其到空曠之地, 真係吹到頭都痛. 😨



叫得跨海馬拉松, 自然要經過跨海大橋, 好在其實是條在海上的公路, 不用上落斜. 因為最後4公里, 我基本上係半行半跑了, 無力了. 😫

其實都幾多香港人參加, 前面幾個都係香港人.


條跨海大橋又係當風位, 好在半馬終點在望.


過橋後, 尚有一百米, 作最後努力, 做返正個跑姿, 扮衝終點. 😄


最後終於四小時內完成, 成功有個鼓勵獎牌. 😀



時間係比預期慢, 天氣, 大風係一個原因, 另一個原因就係因為掛住食. 😅好多時掛住食都唔記得影相呀. 😅




最正係有當地出名既仙人掌雪糕無限量供應.

總結, 第一次跑達到完成賽事的目標, 時間OK啦, 加上可以享受沿途美景, 美食, 是一次非常滿足的體驗.

1 則留言: