2012年5月19日 星期六

網上遊戲與港女爭仔?



轉載自生果日報




據講,等了三年又三年,三年又三年,足足12年的網上遊戲 Diablo III終於推出,高絲不是 Diablo粉絲,但期待之情實在可以理解,有朋友曾抱怨10年間多次光顧電玩店,每次被 Sell,都說「好似 Diablo」,買了一隻又一隻的蟹貨回家,到今日終於得償所願。
姊妹們擔心, Diablo會搶走她們的男朋友。高絲未打過 Diablo,問老手玩家華少,他形容:「人嘅生命有兩大慾望:食慾同性慾, Diablo令你唔需要呢兩樣嘢!」說得太哲學,高絲不明白,因為 Diablo不過是一隻模擬角色遊戲,為何獨獨是它跑出。





港男恐沉迷打機


華少再解釋:「當年同一時間出咗套 Matrix電影,打 Diablo就係好似 Matrix咁,你個靈魂進入咗電腦入面……」高絲似懂非懂,可能沒有玩過,似不知其精粹。
但若只從現實角度估,直覺覺得 Diablo不會搶到男朋友,何解?因為當年 Diablo興起時,所認識的友人玩家都是大學生,在宿舍打機度日,今日全部都已投入社會──打工,打工彷彿是全宇宙最吸能量的事情,從前可以打 Diablo當返工,今日看見一個二個港男,喊苦喊忽說「邊個發明了返工」,30歲未到便一大個啤酒肚,走兩步已喊累,長期拉布打機,精力應支持不了。
不過,因 Diablo而買了很多開發商 Activision股票兼坐艇的阿強另有一番見解:「希臘爆煲盛女就大鑊……」「扯到咁遠?」高絲問。「到時全球失業率大升,大把藉口搵唔到工,正逢磨劍十年的 Diablo,唔打工打住機先,阿媽都吹佢唔脹,咁就沉迷啦!然後男朋友就咁冇咗!」高絲覺得,盛女向來白鴿眼,只懂打機的男友,一早撇咗,除非打機「製造武器」可出售圖利,則會例外。
高絲
===================================================================


幾百人通宵排隧輪購, 一隻本來5舊水既game比炒上7舊水. Diablo 十幾年前真係所有機民必玩之作. 其實不只必玩, 仲係全情投入, 通宵達旦去玩.  而且耐玩程度超高, 一個game 很少可以比你玩足幾年. 十年前既Diable II, 今天依然有game迷玩緊.

Diablo 係我最後一個玩既PC game. 當年一放工食完飯一直玩到12點. 第二朝6點起身玩又返2個鐘先返工.   真係足足玩足兩年.

不過, 又咁講, 咁多人走去買Diablo 3, 最大既原因都係 "那些年" 既效應. 用5舊水回味當年年輕時既年少輕狂的日子.

以game論game, 現今世代咁多類似既online game, Diablo 並不是非常特出既game.

只不過當年, 沒有facebook, online game不多, 智能手機不存在既情況之下, Diablo既matrix世界, 就變成戰友聚會既機會. 好多人都0係果個matrix既世界留低唔少美好既回憶.

十年過去, 當年可以訓身投入既機迷, 今日好多都唔可以好似十年前咁投入.

不過, 就聽過一個網友話, 佢個B喊, 佢都係一手抱B, 一手click mouse同佢既戰友0係Diablo既世界戰鬥.   所以diablo既威力真係唔可以睇少.

對於我來講, 我諗都無可能好似十年前咁玩架啦. 不過, 都一定會入手回味一下. 不過, 有冇人可以講比我知, 邊到仲可以以正常價買到 Diablo 3 呀?  苦惱中.




7 則留言:

  1. 蜓子...................2012年5月19日 晚上7:15

    我很少上網打機..........一點都不會.............再就是喜歡看別人攝影..................
    [版主回覆05/19/2012 20:35:29]其實以現今的標準, 上網打機都有d "老土". 不過, 興趣其實無分老唔老土既.

    回覆刪除
  2. 呢個game好似全世界都受歡迎. 睇睇 Amazon 有無啦, 又或者過一段時間D人炒到唔炒會變返正價?! 當年除左僅有既computer game 仲有 ICQ, 唉~那些年啊~
    [版主回覆05/20/2012 01:20:42]haha, 仲有ICQ, 我連MSN都無用lu. 科技既野真係可以消失得好快.

    回覆刪除
  3. 蜓子...................2012年5月20日 晚上8:34

    晚上好..看到詩了嗎???,,再次謝謝...........
    [版主回覆05/20/2012 21:44:45]看到了, 多謝為相片配詩. 謝謝.

    回覆刪除
  4. 我中學時期曾經被一隻online game荼毒,而家諗返起,真係覺得當時既自己好恐怖,感覺就好似慢性毒藥咁,毫無自制力。所以戒左個隻之後,就再也唔敢玩任何遊戲。
    [版主回覆05/21/2012 18:40:37]沉迷起上來的確幾可怕.

    回覆刪除
  5. 5舊水可以搵番從前回憶,絕對值得!
    [版主回覆05/21/2012 18:42:33]好多野, 如果自己負擔得起既錢可以買到, 已經好難得.

    回覆刪除
  6. 蜓子...................2012年5月22日 上午11:05

    莊主好搞笑.............也說得對............
    [版主回覆05/25/2012 10:54:54]都係架. 其實回憶好多時係無價. 用錢都未必搵得返.

    回覆刪除
  7. 個game 能夠再次成為全城話題,真不容易!真要好好認識一下是何東東!
    [版主回覆05/25/2012 10:57:53]都唔知係咪marketing既手法. 一開始唔係大量派貨. 搞到炒價, 排隊, 造成更大話題, 自然吸引更多人買. 更多人玩.

    回覆刪除