世事如棋

人生實在有太多不可控的事. 世上亦沒有恆久不變的東西. 所以對於未知的將來, 亦不必心存太多的疑慮. 學懂珍惜現在所擁有, 才是最重要.  

話說在這公司工作都快7年了. 以往數年, 出差的日子多, 香港的生意亦不算多. 有沒有固定的office, 對我來說, 其實都差不多. 反而能在家中工作, 相信是不少上班一族都會羨慕的.

Home Office, 當然, 好處大家都可以想像到. 但其實亦有不少缺點. 沒有固定的office, 基本上就是沒有一個同事間固定的社交場合. 同事間相對疏離. 另外, 在家工作, 就是沒有下班的感覺. 當工作老是沒完沒了, 你會發覺工作會不知不覺間侵佔你的生活時間. 最初是晚飯後的 "電視時間", 接著是寶貴的睡眠時間, 更甚是你的週六週日.

前年中開始, 香港的工作越來越多, 一直希望有個固定的工作地點. 經過年多向公司的爭取, 終於有一個小小工作間.

午飯外出巡視, 原來附近商場都有不少相機店.

就在滿以為以後可以很自主地選擇在家, 或在office工作時, 晚上就收到大老板向所有員工發出的email. 宣佈公司將會被另一間公司收購.

最壞 (亦可能是最好) 的打算, 當然可以食 "瘦雞餐". 當然更大可能是要加入新公司. Anyway, 都一定會失去剛剛租下的自由工作小天地.

將來的事誰都不知道會怎樣發展, 還是好好享受現有的小天地好了.

最後, 祝各位新年快樂, 心想事成.

生活小改善 - 防潮箱

個國貨防潮箱都用0左6, 7年, 其間只壞過一次, 都算係咁啦. 不過, 一路都有d唔滿意入面無照明燈. 有時夜晚拎野, 放野都有d唔方便.

諗諗下, 不如自己加d燈. 應該都幾簡單, 容易.

趁放工經過深水埗, 就睇下有咩燈0岩用. 最後揀0左一排過既led燈. 簡簡單單接幾粒電芯, 加個開關就搞掂.

如果一開防潮箱門, 就會掂到個開關, 自動著燈. d led有唔同顏色, 實用考慮我就揀用白色. 想型既藍色都會幾型下.

最後, 貼入個防潮箱. 立即靚仔晒.

再講昆明

每次到雲南, 每次都一定會路經昆明. 而且, 湊巧每次都是在冬天.

而每次我都會把握機會, 在昆明市中心做兩件事.

第一樣要做既野, 就係探探在昆明翠湖公園過冬既西伯利亞紅嘴鷗.

昆明新機場搬遠0左, 由機場坐大巴要花上一個小時. 總站0係West Inn. 正好0係翠湖公園附近.

一個小小公園, 能容納成千上萬既紅嘴鷗過冬, 全靠昆明市民及遊客不斷奉上源源不絕的食物.

要填飽佢地個肚都好容易. 可以將飼料撒入池中.

又或者撒在地上.

而最多人選擇既方式就係手持麵包, 由得佢地啄食.

  

發覺我自己應該有能力0係湖邊擺檔, 幫人影相.

填飽0左d紅嘴鷗個肚之後, 就到自己肚餓. 無食過過橋米線, 應該唔算去過雲南.

總有一間0係左近既橋香園, 算係一個唔錯既選擇. 入面有幾款套餐, 狀元呀, 進士呀, 舉人呀... 總之比多d錢, 個官位自然高d.

其實味道唔算非常好食. 不過, 冬天可以一口氣將一大碗熱湯加米線吃完, 感覺非常滿足.

呢個加上菊花既米線, 食起上來又另一種風味.

做完兩件必做既事, 又係時候趕回機場轉機. 昆明都好多 "蘋果店".

店員見我手持相機, 第一句說話就係 "不準拍照". 看來中國的 "蘋果店" 都好多遊客參觀.

黑臉開餐

0係麗江個觀鳥行程唔多夠喉. 返到香港, 探下來香港過冬既黑臉琵鷺先.

今日算好彩, 有3, 4隻0係 "射程範圍". 叫做唔駛食白果.

朝早天氣和暖, 佢地非常生猛. 充滿活力.

佢地可能都習慣0左d龍友, 有時走得幾近, 直望住我, 都唔怕人.

做完熱身運動之後, 要開始搵食啦.

佢地的確好忙, 一路行, 一路低頭用個大咀兩邊擺.

開頭以為條河仔應該得d魚仔蝦仔. 點知佢地d早餐, 原來已經好豐富 - 超級大魚一條.

可憐既魚兒當然不甘心成為人地既點心. 努力掙扎.

當然, 黑臉用0左dd時間, 就將佢既早餐打包, 準備慢用.

但其實, 四周圍都好多其他朋友 "眅" 到實. 除0左鸕鷀.

仲有蒼鷺. 黑臉見到來勢凶凶既蒼鷺飛埋身. 一邊架起迎敵既姿態, 一邊將本來慢慢享用既點心, 一啖吞落肚. 蒼鷺想以大欺小都奈佢唔何.

睇完黑臉食個靚早餐之後. 睇睇濕地既其他雀仔.

覺得反嘴鷸既步姿永遠都係好優美.

就算搵食都係鬆容不迫.

兩隻同一時間單腳的長腳鷸.

飛行中, 拉到直一直的長腳鷸.

以數量計, 附近既鸕鷀都為數不少. 大戶人家.

呢位人兄叫白鶺鴒. (好彩有本鳥類圖鑑0係手).

成日見既 "豬屎渣".

其實今日仲有2次見到翠鳥, 不過, 都係比佢發現0左我, 先過我發現佢.