返來啦...

今日終於返香港, 可能真係年紀大, 今次自由行之後好疲累, 昏迷0左大半日, 依家精神好返d.

上次出發前要大家估去邊既問題, 可能太易估. Anyway, 所有有留過言既網友都有小小既紀念品.

因為帶去既cash唔多夠, 最後一日真係0岩0岩好夠錢坐的士去機場. 所以紀念品真係小小咋, 作為一點心意, 希望唔好介意.

以下blog友, 晴軒‧兜兜, 巴黎旅客 Voyageuse de Paris, Silvia Lo, vivian, Pikasum, EK, 萬能發@笨思娜, Sloppy Joe, Mak Mak, 車厘子, 請0係以下紀念品挑選一份, email你所選既紀念品, 以及你地收件地址. 先到先得.

P.S. my email: ck_lee_hk@yahoo.com

CUBA字樣木盒仔 (共有4個名額)

碎布公仔 (共有5個名額, 可指定是那一個)

磁石公仔 (共有3個名額, 可指定是那一個)

飾物手鏈 (共有4個名額, 可指定是那一條)

另外, 幫朋友買0左d 雪茄 sample, 如果有人有興趣, 可以撥一枝出來作為紀念品.

當收到各位email之後, 我會回覆confirm. 不過, 因為後天要出trip, 所以寄出要點時間.

最後, 多謝各位一直以來既支持. Thank you.

2010新年快樂

新一年, 先同大家講句新年快樂.

2010, 一個感覺幾未來既數字, 終於都變成現在式, 時間真係過得好快.

今年一月行程將會好充實. 好耐無做過trainer, 上個星期老細assign 0左個training比我搞, 呢幾日假期 per-lab, 準備下d materials, 下個星期可以出發出泰國, 一個都成年幾兩年無去既國家, 又有點期待.

跟住會返香港幾日, 希望可以同香港個partner完成埋個PoC. 跟手就會飛去join公司每半年一次既company meeting. (上年我地region生意唔錯, 希望今年人工都加得唔錯啦 )

company meeting之後, 我會放假啦.  去邊?  同大家玩個有獎競猜遊戲啦. 獎品會係今次目的地既手信. (不過, 我都未知會買到d咩手信喎).

我既行程會係咁:

Hong Kong -> Toronto -> Montreal -> Toronto -> ??? -> Toronto -> Hong Kong

??? 就係我今次放假既目的地啦

再比多dd tips啦. 今次旅行希望會準備得好d. 尋日去0左申請visa, 換外幣. 買phrasebook, CD...

另外, 舊既行山鞋都陪0左我一段日子, 個底都行到滑晒, 係時候退役. 感謝佢同我走過咁多唔同既地方, 雲南, 西藏, 巴基斯坦, 印度 ...

最後, 再祝各位新年進步, 二月再見...

中學老師的離去...

偶爾發現一位留言的網友是跟我讀同一間中學, 再細看, 發現這一則不幸的新聞.

【 本 報 訊 】 以 海 底 珊 瑚 及 海 蝕 洞 美 景 成 為 潛 水 及 旅 遊 勝 地 的 西 貢 甕 缸 洲 ， 昨 日 發 生 遇 溺 意 外 。 一 名 中 學 老 師 參 加 一 個 遊 船 河 旅 行 團 ， 其 間 乘 小 艇 上 岸 途 中 ， 疑 被 清 澈 海 水 吸 引 ， 突 然 興 之 所 至 ， 與 部 份 團 友 同 跳 下 水 中 暢 泳 一 番 ， 結 果 事 主 樂 極 生 悲 遇 溺 ， 經 救 起 由 直 升 機 送 抵 醫 院 證 實 不 治 ， 留 下 年 邁 母 親 和 妻 兒 ， 痛 不 欲 生 。
死 者 黃 蒼 茂 ， 41 歲 ， 在 觀 塘 翠 屏 道 的 觀 塘 瑪 利 諾 書 院 畢 業 ， 其 後 升 讀 中 文 大 學 ， 大 學 畢 業 後 返 回 母 校 任 教 ， 現 時 是 該 中 學 的 數 學 科 主 任 和 訓 導 主 任 ， 學 生 對 他 印 象 不 錯 ， 暱 稱 他 為 「 阿 茂 」 。
該 校 校 友 會 幹 事 會 副 主 席 劉 展 輝 表 示 ， 校 方 已 知 悉 事 件 ， 今 日 將 召 開 緊 急 會 議 商 討 ， 對 他 去 世 感 到 沉 痛 難 過 。 黃 與 任 職 銀 行 的 妻 子 和 一 名 7 歲 兒 子 ， 同 住 觀 塘 月 華 街 萬 福 大 廈 。
妻 子 ： 勸 0左 佢 　 又 唔 聽 話
昨 日 事 發 後 ， 死 者 母 親 和 妻 子 趕 到 醫 院 ， 驚 聞 黃 的 死 訊 都 傷 心 不 已 ， 其 間 ， 黃 的 年 邁 母 親 更 一 度 情 緒 失 控 ， 呼 天 搶 地 呼 喚 愛 兒 ， 需 要 家 人 從 旁 安 慰 。
據 說 ， 黃 泳 術 不 精 ， 家 人 不 時 都 勸 他 欺 山 莫 欺 水 ， 妻 子 昨 日 向 警 員 了 解 丈 夫 發 生 意 外 經 過 時 ， 含 淚 訴 說 ： 「 我 都 勸 0左 佢 啦 ， 但 佢 又 唔 聽 話 … … 」
據 稱 ， 黃 昨 日 與 一 名 男 性 友 人 一 同 參 加 由 「 週 二 旅 行 隊 」 舉 辦 的 「 東 海 遨 遊 」 旅 行 團 ， 目 的 地 是 西 貢 甕 缸 洲 （ 又 稱 沙 塘 口 山 ） ， 該 團 一 行 29 人 早 上 9 時 在 西 貢 碼 頭 集 合 登 船 出 發 ； 至 10 時 許 到 達 甕 缸 洲 對 開 海 面 ， 由 於 甕 缸 洲 沒 有 碼 頭 設 施 ， 大 船 無 法 泊 岸 ， 要 用 小 艇 分 批 將 團 友 送 上 甕 缸 灣 的 岸 上 。
拿 浮 板 下 水 　 上 岸 不 見 影
據 死 者 同 行 團 友 向 警 方 稱 ， 事 發 時 ， 黃 與 友 人 和 幾 名 團 友 同 乘 小 艇 泊 岸 ， 在 離 岸 百 多 米 時 ， 各 人 看 到 清 澈 的 海 水 都 讚 嘆 不 已 ， 其 間 有 人 提 議 落 水 游 到 岸 上 ， 當 中 幾 人 都 表 示 同 意 ， 並 隨 即 躍 下 水 中 ， 由 於 黃 泳 術 不 精 ， 當 時 他 是 拿 著 浮 板 下 水 的 ， 豈 料 其 他 人 上 岸 後 卻 不 見 了 黃 的 蹤 影 。
正 當 各 人 擔 心 不 已 之 際 ， 數 名 在 附 近 玩 浮 潛 的 男 女 發 現 黃 在 海 上 載 浮 載 沉 ， 立 即 將 他 救 到 岸 上 ， 並 為 他 進 行 心 外 壓 搶 救 ， 當 時 他 已 沒 有 呼 吸 和 脈 搏 ， 其 他 人 立 即 致 電 報 警 ， 水 警 輪 到 場 將 黃 送 往 西 貢 對 面 海 水 警 基 地 ， 再 由 直 升 機 轉 送 港 島 東 區 醫 院 ， 惟 抵 院 後 證 實 經 已 不 治 。







在中六時, 他是我的Pure Maths老師, 中六後我入了大學, 之後再沒有機會跟黃老師碰面了.  雖然已經是十幾年前的事, 但現在回想起來, 對他的一點一滴還是一一浮現出來. 記得當時他是剛在我的中學任教不久, 不算是那種形象很資深的老師, 反而更像一個比我們年長幾年既朋友. 最難忘是他經常的笑容, 及教學的熱誠.
英年早逝, 非常可惜. 六年既中學生活, 沒有令我相信主, 不過, 我相信黃老師一定可以去到安息的國度.

免費相簿

0岩0岩0係 dchome 見有c兄介紹, 有2G 免費既storage.
介紹   :  http://chaorock.blogspot.com/2007/08/nikon-my-picturetown-2gb.html
官方網站 http://www.mypicturetown.com/P2PwebCmdController/pictureBank/index.html
link去其他地方時, 可以選擇大細. (下面果幅係揀0左細, 320 x 240).

死伙, 食物過敏

從來都未試過, 今晚唔知食錯d咩, 搞到依家成身腫晒...
拿拿林support埋個客, 試下浸下水會唔會舒緩下d腫脹...

Nikon出新機, 新鏡

雖然呢d High-end機, 鏡王同我呢個入門用家完全無關係. 一來佢地實在幾貴 (d長鏡仲係天價), 二來佢地d重量我都實在負擔唔到.
不過, 見到好多new or enhanced features, 好似自動除塵, LCD live view, 3" 大LCD,   6400 ISO... 的確好吸引, 照Nikon既慣例, 好多新features都會下放到將來既low-end機上面. 所以非常期待Nikon下次公佈D80既後繼機...
當D80出後繼機時 (唔知係咪叫D90), 好有可能係我換機既時候lu.

http://www.dpreview.com/news/0708/07082312nikond3.asp
http://www.dpreview.com/news/0708/07082313nikond300.asp
http://www.dpreview.com/news/0708/07082310nikonsupertelelenses.asp
http://www.dpreview.com/news/0708/07082311nikonafs14-24-70lenses.asp
------------------------------------------------------------------------------------------------------------------------
8/28 加番個拍得好令用家感動既廣告先.
http://www.youtube.com/watch?v=BRGXdpzsWZk&NR=1
最鍾意係見唔同人0係唔同環境好投入拎住部相機影相.

仲有d機一路變, 但個mount依然不變, 真係對用家好體貼.

中大破格取錄何凱琳

何凱琳又跳級啦, 14歲已經入大學, 的確了不起, 佢可以揀到佢想讀既醫科, 而中大醫學院又收到個好學生, 的確是一件美事. 估計, 佢將來亦都會係最年輕既醫科畢業生, 同最年輕既醫生law.
雖然話讀醫係超辛苦, 超困難 (見以前好多幾醒既宿友都徘徊係合格與不合格既邊緣), 不過從何同學近日來0係傳媒既對答, 以及佢既準備態度, 應該唔會有問題, 希望香港將來好快又多一個有heart既醫生.
講起讀醫, 真係係大學最辛苦既學系, 以前見個同房, 基本上晚晚臺燈都係長著, 我果時基本上係唔知佢幾時會訓, 因為基本上我訓著之前同訓醒之後都只係見佢溫緊書.  細個果時都有人問過我有冇考慮過讀醫, 我果時都算有自知之明啦, 以我咁懶散既性格, 如果果時揀讀醫, 最大可能係跟本畢唔到業, 就算好好彩碌過, 依家都只係一個害人害物既黃綠醫生.
----------------------------------------------------------------------------------------------------------------------------------------
唔另外寫開啦. 高清既來臨, 但HD-DVD, Blue Ray仲未分出高下, 所以呢排我好少買碟. 今日入0左套港產片dvd, 每當變幻時. 以舊街市做背景, 主角係千嬅, 有dd做番佢自己既感覺. 套戲除0左主角既感情線為主線外, 就係講舊街既溫情, 連做壞人既盧David基本上都係個好人. 另外, 套戲有馮淬帆做架, 雖然個樣都老0左好多, 見到佢就諗起細個睇 "飛越十八層" 啦, 不果套戲要到最後佢先有得發揮. 整套戲感覺都okay, 有空可以一看.

-----------------------------------------------------------------------------------------------------------------------------------
8/24 今日少有要通頂落Site做野, 太耐無試過啦, 真係唔多習慣, 個頭腦真係唔多清醒.

打回原形

咁辛苦0係柬埔寨高溫瘦身所減去既5磅, 居然比我3個小時又加番到身上.  今晚真係搏命0左d, 人地出錢自己出命, 係咁狂食3粒鐘, 真係好耐都無試過咁暴食法, 睇來0黎緊幾餐都唔駛食都得lu.

Home Office = King-Size Homer?

最近間中會攞盒Simpson來煲, 雖然咁舊, 依家仍然覺得好好笑, 好抵死.

其實細個0係英文台睇Simpson既印象已經有d模糊, 只係記得好好笑. 依家再睇番, 佢地d笑料去得咁快, 當時細個, 又無Nicam, 我估細個時只係明1/3都無.
講番個正題先, 今日睇其中一集, 講Homer因為想過Home Office既生活, 所以變0左 King-Size大肥佬. 而佢Home office既衰習慣, 其實我發現我都有d係一樣.  
如果大家有留意我個頭像, 係將自己既特徵套入Simpson卡通Character. 成日坐 home office, 真係好易令人肥.

唔知有日我個頭像會唔會由依家咁靚仔,

變成好似Homer咁樣仲靚仔呢?

有興趣既網友都可以試下將自己既特徵套落Simpson既Character到.

http://www.simpsonsmovie.com/main.html?cid=tw

Stock Option

曾幾何時, 公司有stock option, 員工自然. 2千年科技股熱潮時, 0係科技公司做野, 公司有stock option就好似等於可以打風流工, 等提早退休.  
實際上, 自己出來做0左咁多年野, 可能係我黑仔, 情況并唔係咁.  我曾經做過3間公司有stock option.
第一間上香港創業板, 點知唔夠一年成間公司仲摺埋, 一亳子都無.  仲要搞到要去勞工處先有糧出.
第二間每年都會有少少stock比員工, 可惜又係入公司唔0岩時間, 股價一路插水, 做0左兩年走時都未番過家鄉, 又係一毫子都無賺過.
依家做緊呢間算係第一次有錢收啦.  不過真係摸唔透公司股價既上落.   上次公佈業績, 公司有錢賺, 股價反而插水跌0左 20%, 今次公佈業績, 業績同上次差唔多, 估價無上無落. 比d網上分析員吹兩野, 又係無上無落, 但尋日又無啦啦一日升0左 13%.
自己一向都無玩股票, 所以真係一頭霧水 , 唔識點決定好, 始終係d三四線既細價股, 股價上落都幾大, 所以賺多賺少, 都係要靠d運氣.  但係總括來講, 都唔會令到你發達而唔駛做.
----------------------------------------------------------------------------------------------------------------------------------
0岩0岩睇到email, 居然Cambodia有project.  唔知有無機會派比我搞, 等我可以去多次Cambodia.