平常心 ...

2007年4月21日星期六

執相方便好多

依家d LCD mon真係可以話平到笑. 記得我一向用緊果個 15" LCD mon, 當年要3千幾. 依家2/3既價錢都唔駛, 已經可以買到個 16:10 20" LCD mon.

一向用開果個15" mon被徵用在工作上 (工作上, 我依家係用 "8:3" 既 mon

, 即係 2個 4:3 既 mon 加埋law) . 咁自然有藉口比我upgrade, 買個16:10既LCD mon.

16:10既mon用起上來有幾方便. 我一向用開個mon係 15", 4:3. resolution 1024 x 768. 一轉新mon, 我用 "感動" 兩個字來形容.

你睇下個nikon capture, 就知會用得幾開心, 所有toolbox可以show晒出來, 仲有好多位置show幅相出來, 比起以前一堆toolboxes疊埋一齊, 真係方便好多.

另外, 個mon大0左, 睇dvd都可以0係房到睇, 唔駛下下同屋企人爭電視用.

呢幾日, 除0左入0左個新 mon 外, 工作上都買0左d電腦野. 依家公司細都有個好處, 買野唔係太貴既都可以先斬後奏, 唔駛好似以前d公司下下都要有approval先可以買, 買少少野都可能等幾個月.

1. notebook加 1G ram
2. notebook加0左個docking
3. 換0左個細Keyboard
4. 入0左個 usb-vga, 行雙 15" mon.

2007年4月16日星期一

新聞一則

南華對傑志賽事全場爆滿
[15/04 星期日 15:56]

本地甲組足球聯賽，下午在旺角場上演兩場比賽，其中榜首大戰，南華對傑志在下午四時開波，八千多張門票，全部售罄，足總呼籲未購票的球迷，不要到球場。
點解會post呢則新聞, 因為尋日我就係受害球迷之一, 爆棚對香港足球來講直頭係歷史(對上一次都成十幾廿年前), 所以尋日大安旨意3:30pm先去到球場, 就係咁被拒諸門外.

BTW, blog個人相片的荷花相用了太久, 係時候換換來點新鮮感. 想了一會, 找了一幅在玉龍雪山上拍的相片. 第一次在4千多米的地方看見雲海, 當時實在興奮. 手中只一部傻瓜DC, 當時什麼影相技術都不懂, 但拍出來的效果, 跟當時的心情一樣, very good.

去到門口, 見到紅旗高掛, 心知不妙.

有心既球迷, 一早買定飛, 可以一個個排隊入場.

無飛既球迷, 包括我, 唯有望門輕嘆.

0係外面睇, 球場入面企滿晒人.

2007年4月1日星期日

新紀錄

最近四個星期出差比例創了新高. 四個星期有三個半星期都係出差.
依家有時0係香港行街反而有d陌生既感覺.

不日預告: 悉尼一日遊, 及對悉尼的感覺.
遊記都打緊, 不過d相要等番香港先可以upload, 所以有關悉尼既blog要一星期後先搞掂.

2007年3月26日星期一

份驗血報告話冇咩特別野, 咁肝d陰影又可以繼續唔理佢住. 即係又要繼續投入工作啦.
真係老啦, 發覺訓得少真係唔得. 尋日老細last minute先通知今日要搞個 One-day training. 雖然只係吹一日水, 冇lab做, 而我吹一日水我基本上係唔多駛準備, 但點都要執下d training material, 同印幾份hard copy比d客. 衰在附近間影印鋪星期日係唔開, 咁只好用屋企部printer自己print, 搞下搞下又搞到今朝2點幾, 訓0左4粒鐘又要趕住9點到個客到.
一路講一路講, 訓唔夠既情況下, 意識入0左半自動波

. 本來一路用廣東話講, 都唔知點解突然會爆0左句國語, 又話者爆0左成句英文, 真係失禮死人.

本來連續飛0左2個星期, 今個星期老細會比我0係香港, 點知尋日又話星期三要飛啦, 一路殺到去下個星期六, 連2日紅日清明, 復活節假期都食埋我

. 真係慘情. 我發覺咁飛法開始有dd力不從心, 我仲諗住有個長dd既假休息下.
仲有因為飛去果個國家比較遠, 3/31 - 4/1個星期六日都冇得番香港, 而我既西班牙語課唯有被迫走堂. 雖然果個國家我係未去過, 但今次出trip睇來損失都好大.

有冇得say no..., 係冇, 因為我年資最細, 唔係我去, 邊個會假期都去開工...
成日諗如果份驗血報告話有事, 咁就可以即刻同老細say no. 睇來我真係仲有排捱.

呢次出差, 可以去一個未去過既城市, weekend又可以stay 0係果度. 久違了既出差興奮又回來了.

btw, 都係時候0係出差之前再將頭髮剷短lu.

2007年3月23日星期五

台北

台北, 呢排出差去得咁密, 雖然沒有正式統計, 不過台北應該係香港以外, 我留得最長時間既城市. 原來之前, 冇咩寫過有關台北既野.
誠品書店
台北去0左咁多次都冇認真去行過d書店. 酒店附近, 其實有間誠品. 沿住信義路一路行, 見到新光三越就到.

呢間好似係旗艦店, 成座都係誠品.

或者正確d講係以書店為主題既商場. 因為入面有食肆, 有商店.

地下一點也不像書店.

書店由二樓開始.

都有唔少地方可以慢慢睇書.

坐0係圓型書架中, 四周都係書, 好似睇書都會睇得快d.

淨係我最鍾意睇既旅遊書, 都有好幾個大書架. 0係書店2個鐘, 淨係睇d旅遊書都睇唔晒.

不過, 我無留意到, 原來書店入面係唔比影相,

所以影完上面幅相, 0係個店員提醒下唯有收埋部相機.

台北美食
食物基本完全合晒口胃, 而且價錢相對比香港便宜. 出差有個好處係, 實報實銷, 所以食物既價錢唔係最大既問題, 最大既問題反而係你既肚子能裝多少

. 好似早幾日去食韓燒任食, 坐低之後侍應問要唔加個火窩來個 "雙併". 我又好似未試過一路食韓燒一路打邊爐, 咁就叫侍應再加個火窩, 最後既結果當然又係食到捧住個肚行出來.

台北酒店
呢份工出差有個好處係可以自己揀酒店. 一般我都會揀近工作地點. 因為好怕每日要坐好耐車往番工作地點同酒店. 唔好以為我旅行只住d平價床位, 我對酒店就唔會有要求. 事實上一張舒服既床, 同齊全既設施, 對出差工作好重要.

0係台北咁細既地方, 交通又唔會好塞車, 所以基本上揀邊間都差不多, 唔會好遠. 0係台北我住酒店既首選會係Grand Hyatt, 一來近101, 食野好方便, 二來又可以儲分轉去asiamiles. 而且張床真係幾舒服.
次選會係Crowne Plaza, 主要都係因為可以儲分轉去asiamiles, 叫做以前係holiday Inn, 價錢幾平, 上網又唔駛另收錢. 不過, 地區就離101遠一點. 而且有點舊.

http://www.crowneplaza-taipei.com/frame1.htm
今次台北唔知係咪有咩exhibition, Hyatt最平都要成八千幾台幣, 太貴住唔起. 次選Crowne Plaza又一間房都冇.
咁我下一個選擇係一間叫Tango既台北商務酒店. http://www.thetango.com.tw/ 地點都幾近101, 近永春捷運站. 包唔錯既早餐, 上網又係免費.
雖然係2, 3星既小酒店, 但設備一d都唔差.