HD原來不知不覺又接近了

本地HD廣播好似遲遲都冇咩聲氣, 而Blue-Ray, HD-DVD既player又一直都幾貴, 而且機款又唔多. 所以一直以來HD對我來講好似好遙不可及既事. 直到2大遊戲機分別支持Blue-Ray, HD-DVD, 用比較上便宜既價錢已經可以一試HD既畫面la.
Blue-Ray vs HD-DVD, 我就先投HD-DVD一票, 買了一個HD-DVD既drive.

第一隻HD-DVD我都揀0左幾耐. 因為有興趣既碟好多都已經有dvd. 其他舊戲又唔多大興趣. Mi3又冇貨, 最後買0左呢隻.

又發下旅行夢先

中, 南美洲, 又係一個好吸引人去自助遊既地方. 一路諗到底點可以平d去呢, 突然想到依家每年都要番HQ一次, 咁如果番完HQ, 再向老細請2個星期假, 咁咪可以慳番來回美國果程既機票同時間.
咁計既話, 假設呢一兩年我仲係呢間公司做, 要儲下假, 咁成行既日期應該係 2008年7月. 仲有年半時間可以慢慢plan同學下spanish.   希望到時體力仲可以應付艱鉅既行程啦.

缺貨

枝70-300VR, 同估計一樣缺貨.  萬成0岩0岩好輪到我就派晒d貨. 下一水應該有我份啦, 不過又唔知要等到幾時  我諗最令Nikon用家苦惱既係d lens成日缺貨, 不論幾百蚊既入門鏡定係上萬蚊既鏡王. 真係唔明Nikon點做生意, 有錢都唔賺.
希望月底前有貨趕得切做我既生日禮物啦.

多哈亞運

雖然比賽水平同規模都比奧運細. 但其實亞運都幾有特性, 好多運動奧運都未必有. 好似滕球, snooker, 香港0岩0岩拎金牌既健美, 最搞野原來國際象棋都係比賽項目.
加上香港0係多個比賽項目都有比併既實力, 所以都令人睇到好投入. 不過就搞到呢排晚晚都2, 3點先訓.
右邊香港選手拎金牌, 一個字勁.

我覺得玩滕球d選手個個都係足球小將上身. 倒完掛仲可以轉埋身先落地.

估唔到國際象棋都係比賽之一.

好耐冇睇乒乓球, 原來個球大0左, 計分都改0左11分, 2分轉發球, 雙打打到離晒檯來互相對抽, 非常精彩.

如果可以去現場睇及影下相一定好正.  好, 下屆亞運可以考慮下先. (下屆唔知0係邊到搞?)

病

又病啦, 今年來第二次啦, 人大0左, 真係病痛都多0左.  估唔到0係外地訓得小又凍都冇事, 反而香港成廿度都中招.
公司份醫療保險攪0左大半年都未攪好, 諗下將d睇醫生錢當petty cash claim, 老細都應該會批.
今日將會只維持有限度既customer support. 

攝影棚

去鴨記買0左個攝影棚. 未買燈.
未有燈都用臺燈試下先. 同屋企人借0左部LX-2做model.

不過d光都係黃. 

鏡頭有個Leica字, 真係有d虛榮感.  不過d光真係唔得, 影到部機都唔靚仔. 都係要問清楚d網友要買d咩燈先.

btw, 枝 50mm f/1.8 + kenko extension真係窮人既macro solution.

12月4日更新下先.
試下改用白光慳電膽. 冇咁黃. 睇來燈箱攝影都係一門幾大既學問, 有排學lu.

Lahore 拉客爾

今次只係帶0左枝 50 mm影下 snapshot.
機場都有d當地建築特色.

間Holiday Inn同一般酒店冇分別, 只係有d用品方便朝拜.

有半日清閒, 鼓起勇氣行0左出酒店. 人車爭路既情況好普遍.

仲有唔少馬車, 驢車.

大件, 細件, 總之條路得個亂字.

可以坐既交通工具, 以下就係其中一種. 一般 Rs 50.

當然仲會有巴士, 不過當時未有膽去試.

條街仲有一d小食賣, 不過我一定唔會試.

條街都幾多呢類圓頂建築.

條街又興擺d舊飛機, 大炮.

去參觀既景點係一個堡壘遺址.

附近仲有個有d似Taj Mahal既建築物, 都幾大座, 可以由下面張相d人既size大約知道有幾大.

入去一定要除鞋. 入面個look都唔錯.

呢個係皇帝聽政既包廂.

舊有既炮管.

跟住去0左博物館. 附近有個大學區. 又係紅磚砌.

博物館都係離唔開之前打仗既兵器.

雕塑等等. 不過由於冬天4點鐘關門, 沒有時間細心睇d註解.

題外話, 曼谷新機場好大下, 轉一轉機分分鐘行你, 十幾二十公鐘.