平常心 ...

蠟像館

開0左咁耐都未去過, 趁假期做下遊客參觀下, 原來入面都係香港人多過遊客.

入面有d蠟像都做得幾似. 不過, 有d似死人公仔多d.

其中以明星同運動員比較得人歡心, 爭住同佢地影相.

第一個見到比幾多人圍住既係城城. 呢幅影得似真人嗎?

Kelly好厚妝, 唔知真人係咪都係咁.

影薯仔手震, 不過濛濛地好似仲像真多d.

事頭婆做得好細緻.

我覺呢個曼特拉比較嚇人.

另一位誠哥就冇咁受歡迎.

江主席呀.

呢個比較難認, 佢做沈默的xx.

鳳園 I

鳳園係咩地方, 對我來講係 "傳說中" 好多蝴蝶既地方.

有興趣去玩下既朋友. 可以去以下條link睇睇.

http://www.fungyuen.org/
不過一路都係的唔起心肝去果度影野, 因為覺得去果度好遠. (對我來講真係幾遠, 地鐵轉火車再轉小巴, 仲要行十零分鐘, 咁就要個半鐘.)

網友是個 "打蟲" 專家, 不過一路都只係同佢0係網上吹水, 冇見過佢真身, 有日提到搵日一齊出去影下野, 網友提議去鳳園, 有機會學野, 我當然應約.
網友去過鳳園幾次, 話朝早會比較多蟲打, 咁就約定9點0係教育中心等.
去到教育中心, 天氣都okay, 陰天有dd太陽. 由網友帶領下, "深入" 鳳園真正有蝴蝶既地方. 入面真係有好多唔同品種既蝴蝶. 不過我真係講唔出佢地係咩名稱, 睇怕真係要學網友買本書來研究下.

影蟲, 技術, 器材當然重要, 其實耐性, 觀察力, 對蟲既習性既了解更加重要, 呢幾樣因素就係網友佢成日都影到靚靚蟲仔玉照既原因.

新加坡一天自由行

新加坡比香港國際化, 新加坡大部份人d英文水平好過香港(唔計口音), 街上可以見到更多元化既種族. 不過始終是一個華人為主既社會, 所以自由行都非常方便.

其實之前去過幾次新加坡, 今次工作關係再到新加坡, 本來冇咩時間去玩, 不過星期六有一天空閒. 咁就call 0左舊同事, 當聚下舊.
新加坡真係冇咩玩, 不過食下野都唔錯, 比到你唔同既風味. 所以先講食野.
食野篇
去過幾個地方食野. 第一餐試過一個人走去酒店附近既Newton Food Centre (MRT Newton 站附近).

果度d野都幾貴, 而且又唔係特別好食.

入口有個新加坡十大美食, 下次可以check下自己試齊未?

呢度要成四十幾蚊坡紙.

食到興烚烚, 最好當然整番個刨冰.

有芒果肉, 紅豆, 涼粉...

另一個必試既係新加坡既魚旦. 非常彈牙同滑.

就算連7仔既魚旦都係.

另一個必試既係文東記既海南雞飯. (果餐冇帶機去影 )

d飯好正, 雞又滑. 仲試0左佢地既脆皮豆腐, 炸皮厚薄0岩0岩好, 入面d豆腐好滑好正.

聽講有好多間分店, 去果間門面最差既老店最好 (401 Balestier Road), d人老實, 會叫你唔好叫咁多送, 廢時浪費. 2個人埋單都係四十幾蚊.

另外, 同事推介既亞坤多士, 夾唔同既料有唔同既味. 亦係非常好食. 其中Funan電腦商場地下有一間. 行行支力支力地, 食番個tea都唔錯.

夜晚, 影完野, 又唔係好肚餓, 0係駁船碼頭搵0左間粥麵店(叫大碗粥)醫肚.

先來一個大大碗既帶子粥. d粥綿到有d似食baby food. 16蚊係幾貴, 不過都算足料, 成碗粥有7, 8粒鮮帶子. 美中不足係d粥唔係好入味.