平常心 ...

2013年1月19日星期六

黑臉開餐

0係麗江個觀鳥行程唔多夠喉. (tongue)

返到香港, 探下來香港過冬既黑臉琵鷺先.

今日算好彩, 有3, 4隻0係 "射程範圍". 叫做唔駛食白果. (big hug)

朝早天氣和暖, 佢地非常生猛. 充滿活力. (applause)

佢地可能都習慣0左d龍友, 有時走得幾近, 直望住我, 都唔怕人. (batting eyelashes)

做完熱身運動之後, 要開始搵食啦.

佢地的確好忙, 一路行, 一路低頭用個大咀兩邊擺.

開頭以為條河仔應該得d魚仔蝦仔. 點知佢地d早餐, 原來已經好豐富 - 超級大魚一條. (thumbs up)

可憐既魚兒當然不甘心成為人地既點心. 努力掙扎.

當然, 黑臉用0左dd時間, 就將佢既早餐打包, 準備慢用.

但其實, 四周圍都好多其他朋友 "眅" 到實. 除0左鸕鷀.

仲有蒼鷺. 黑臉見到來勢凶凶既蒼鷺飛埋身. 一邊架起迎敵既姿態, 一邊將本來慢慢享用既點心, 一啖吞落肚. 蒼鷺想以大欺小都奈佢唔何. (big grin)

睇完黑臉食個靚早餐之後. 睇睇濕地既其他雀仔.

覺得反嘴鷸既步姿永遠都係好優美.

就算搵食都係鬆容不迫.

兩隻同一時間單腳的長腳鷸.

飛行中, 拉到直一直的長腳鷸.

以數量計, 附近既鸕鷀都為數不少. 大戶人家.

呢位人兄叫白鶺鴒. (好彩有本鳥類圖鑑0係手). (tongue)

成日見既 "豬屎渣".

其實今日仲有2次見到翠鳥, 不過, 都係比佢發現0左我, 先過我發現佢. (sad)

2013年1月4日星期五

雲南, 風景美麗, 只要近距離對著雪山, 已經可以感受到, 心中的日月就在眼前. 在我心目中, 永遠是頭五個最喜愛地方的其中一席位.

http://blog.yahoo.com/radhk/articles/79685

自己第一次背包行的目的地亦是雲南. 時間飛逝, 原來轉眼已經是九年前的旅程.

http://blog.yahoo.com/radhk/articles/79591

六年前一圓香格里拉之夢. 其實, 已經覺得雲南的旅程應該會告一段落.

http://blog.yahoo.com/radhk/articles/79259

當然, 在我心目中, 雲南的旅程尚欠兩個小環節, 才稱得上圓滿. 第一個的名字是瀘沽湖, 第二個名字是納西古樂.

第三次到訪雲南, 正好為整個雲南旅程畫上完整的句號.

有冇作為禮物既相片製品推介?

想用相片作為禮物, 送比朋友剛出生既小兒. (love struck)

睇過快圖美果D影像產品既實物, 感覺麻麻地. (tongue)

睇下各位有冇好介紹. 謝謝. (smile)

2012年12月30日星期日

昆明新機場

睇返資料, 原來係今年6月開始使用. 外觀金碧輝煌, 遠望都幾搶眼.

室內天花佈局似北京機場.

老實講, 0係大陸云云新建機場, 其實都大同小易. 無咩值得好提.

令我難忘既係個機場第一次0係冬天營運, 候機室居然無打算為旅客提供空調. 或者主事者一向認為昆明四季如春, 都唔會點凍.

今日昆明氣溫驟降, 候機室的氣溫只有2.5度, lounge入面既情況稍為好一d.

雖然lounge都係0係open area. 不過, 入面不停有熱飲及杯麵供應.

難為了候機室等上機的乘客, 個個包到實. 又或者要沿地跑做暖身運動.

不斷有乘客向航空公司, 機場地勤抱怨, 投訴. 得到既回覆係, 佢地員工0係咁凍既環境工作, 其實都好慘. 呢個問題佢地都想搵人解決. (at wits' end)

2012年12月10日星期一

新成員居然係死馬鏡頭

副廠鏡以往比人既印象係平, 但樣樣差dd. 但睇睇下面新sigma既鏡頭, 外型已經殺低原廠.

而且網上口碑唔錯. 而價錢只係原廠既一半, 就已經可以擁有1.4大光圈. 又點會唔令人心動.

趁今日好天, 走出去試試枝鏡.

枝鏡好sharp, 睇原相放大時, 第一次覺得鏡頭既解像度超越0左依家用緊既舊相機. 全開1.4光圈都可以用. 色彩, 對比都得, 本來我習慣用vivid mode影相, 呢枝鏡我要轉返用standard mode.