台北

台北, 呢排出差去得咁密, 雖然沒有正式統計, 不過台北應該係香港以外, 我留得最長時間既城市. 原來之前, 冇咩寫過有關台北既野.
誠品書店
台北去0左咁多次都冇認真去行過d書店. 酒店附近, 其實有間誠品. 沿住信義路一路行, 見到新光三越就到.

呢間好似係旗艦店, 成座都係誠品.

或者正確d講係以書店為主題既商場. 因為入面有食肆, 有商店.

地下一點也不像書店.

書店由二樓開始.


都有唔少地方可以慢慢睇書.

坐0係圓型書架中, 四周都係書, 好似睇書都會睇得快d.

淨係我最鍾意睇既旅遊書, 都有好幾個大書架. 0係書店2個鐘, 淨係睇d旅遊書都睇唔晒.

不過, 我無留意到, 原來書店入面係唔比影相,  所以影完上面幅相, 0係個店員提醒下唯有收埋部相機.
台北美食
食物基本完全合晒口胃,  而且價錢相對比香港便宜. 出差有個好處係, 實報實銷, 所以食物既價錢唔係最大既問題, 最大既問題反而係你既肚子能裝多少. 好似早幾日去食韓燒任食, 坐低之後侍應問要唔加個火窩來個 "雙併". 我又好似未試過一路食韓燒一路打邊爐, 咁就叫侍應再加個火窩, 最後既結果當然又係食到捧住個肚行出來.
台北酒店
呢份工出差有個好處係可以自己揀酒店. 一般我都會揀近工作地點. 因為好怕每日要坐好耐車往番工作地點同酒店. 唔好以為我旅行只住d平價床位, 我對酒店就唔會有要求. 事實上一張舒服既床, 同齊全既設施, 對出差工作好重要.
0係台北咁細既地方, 交通又唔會好塞車, 所以基本上揀邊間都差不多, 唔會好遠. 0係台北我住酒店既首選會係Grand Hyatt, 一來近101, 食野好方便, 二來又可以儲分轉去asiamiles. 而且張床真係幾舒服.
次選會係Crowne Plaza, 主要都係因為可以儲分轉去asiamiles, 叫做以前係holiday Inn, 價錢幾平, 上網又唔駛另收錢. 不過, 地區就離101遠一點. 而且有點舊.

http://www.crowneplaza-taipei.com/frame1.htm
今次台北唔知係咪有咩exhibition, Hyatt最平都要成八千幾台幣, 太貴住唔起. 次選Crowne Plaza又一間房都冇.
咁我下一個選擇係一間叫Tango既台北商務酒店. http://www.thetango.com.tw/ 地點都幾近101, 近永春捷運站. 包唔錯既早餐, 上網又係免費.
雖然係2, 3星既小酒店, 但設備一d都唔差.   有42" pioneer plasma + 5.1 speaker system.

間房既電器, 燈光就係靠呢個remote.

仲有個圓形既按摩浴缸.  一路浸一路可以睇電視. 

廁所同浴室都好企理.


係個洗手盆設計差dd, 一開水, d水周圍淺.

台北人
基本上都係幾好人, 而且國語接受能力好強, 我d咁難既國語, 好多音都唔正, 但佢地都聽得明白. d的士司機都好健談, 不過成日將話題拉到他們的阿扁身上. 有樣令我費解既係台北d的士司機, 如果問我0係邊到人, 十個有十個第一句都問我係咪星加坡人.
BTW, 今次0係台北番香港又遇到識既人, 係舊同事, 又係好0岩同我一樣本來坐 8:20 pm, 改到 6:40 pm番香港班機, 同一班機番香港. 真係好巧合.

越忙越煩躁

有時0係site到自己都搞到一頭煙, 仲幾個唔同地方既partner係咁call你要咩, 要咩support. 真係好煩, 之前又冇同我老細定schedule要咩resource, 我個手機唔係敢命鐘. 我真係冇時間又分唔到身support佢地, 所以, 好多時都會語氣唔多好叫佢地直接搵我老細.
呢個例子可能極端d, 不過, 有時好忙, 我覺得我睇野都會有幾大既偏差. 好似日間好忙時睇一封email, 我覺得問野個人好無禮貌, 所以冇覆到. 但今晚再睇番封email, 又覺得唔係太差, support既野點都要覆既.
呢個都係我一大缺點.

曼谷 II

補番幾張相先.  其實都唔係影0左幾多相, 因為一般放工時都差不多天黑.
本來諗住去Wat Po影卧佛, 點知原來都幾早關門, 只係影下附近d野.

之後行去河邊影下日落.

再番轉頭去China Town.

夜晚都幾多熟食檔.

中國城... 不過係食肆.

0係南星試下d翅, 300泰銖.  都幾多料.

之後坐MRT番酒店, 泰國既MRT相對唔算好多人搭.

d人對泰皇既尊敬真係好厲害, 基本上成條街都有泰皇既畫像, 酒店有.

機場一定唔少得.

酒店告示, 看圖識字.

不過我就唔覺意帶0左個有榴槤味既月餅.

泰國新機場幾大, 仲有幾多分岔路, 分D, E, F, G...區, 去d登機口都要行幾遠. 都係香港機場設計得好d.

當然唔少得放d泰國特色野係機場.

機場相遇

我係間唔中都會0係機場遇到熟人, 今次係遇到一個幾年冇見既中學同學, 原來係同一班機0係曼谷返香港.
若果唔係我一落機之後去0左廁所, 都冇機會遇到呢個舊同學. 依家我都慢慢開始相信有時做朋友也是要看緣份. 有時沒緣份, 點去勉強都沒有用. 相反, 有時根本唔著意, 又往往可以keep到做朋友.
講番個舊同學, 我覺得始終中學時既友情係幾 "純正". 雖然距離中學時期都成十幾年, 依家講既話題都唔同晒. 但依然feel到對方十幾年前果種不用修飾既誠懇.
不過, 都有可能只係我單方面咁諗, 因為我自己一但認定對方係朋友, 即使平時唔會成日見, 都唔會因此而生疏. 即使幾年冇見, 對對方既態度都唔會點變.

300

300, 一個字形容晒, 就係型.

300個斯巴達人, 個個著條底橫

, 一件披肩, 一個頭盔, 一個盾牌, 一枝長茅, 咁就對抗人地成千上萬既波斯大軍.

 

又箭雨, 又巨人, 又猛獸, 又炸彈 (套戲大部份都係CG後期製作, 點玩都得), 睇到都幾熱血. d小組攻守技巧都幾好睇, 叫做打得悅目又唔太血腥.
套戲會唔會色情過多我唔知啦, 因為泰國版打晒格仔

. 血腥暴力就預0左一定有d, 因為睇過Sin City都知 Frank Miller d野係點.

套戲唔算係必睇, 尤其唔係個個人都鍾意睇呢類戲. 至於遲d出碟我會唔會買? 依家都係1516, 到時冇其他碟買時都會考慮買.

食辣

最近好似愈來愈鍾意食辣, 但其實我係唔食得辣,  次次都食到成身汗. 但呢幾日都食0左幾碗冬蔭, 好似食辣食到有點上癮. 哈哈, 好似有d攞苦來辛.