Prison Break

好耐冇追明珠台既劇集啦. 真係好好睇, 睇咁多集, 集集都有d野, 絕冇冷場.
男主角果種冷靜既頭腦, 精心既計算, 加上佢殺死人既眼神, 我諗都迷到唔少女fans.
當你以為主男既逃獄大計突然出了亂子, 為主角擔心, 但原來到後來先知係主角又一場精心既安排. 其實, 除0左主角2兄弟外, 其他角色各有性格, 各有背景. 雖然坐埋一條船, 但各有打算, 各懷鬼胎. 都為套劇生色不少.
今日果集, 佢地終於迫住要逃走, 越來越緊張. 來緊明珠台會一口氣播2小時Season 1既大結局.

濕地公園

尋日一個人走0左去濕地, 主要係去試下枝新既鏡. 另一個目的係試下去打雀.

一入門口個人做草坡都幾舒服.

濕地公園後面係高樓大廈, 我諗都算係香港特色啦. (呢日天氣都係麻麻, 個天都係朦朦地.)

一出展覽中心, 會見到貝貝之家, 佢都算幾威啦, 曾經令全城哄動.

始終係個一家大細都會去既公園. 設施做到好"完善".

依家香港都算係入冬, 濕地好多地方都變黃啦.

展覽館內snapshot.

濕地依家唔見有紅蟹, 只有彈塗魚.

濕地真係唔多適合打雀, 因為d雀真係好遠. 好多相用枝70-300, 加kenko x1.4, 之後仲要crop.  間中有1, 2隻行近d先影到.
(有d相 crop 得太細, 冇辨法, 唯有加sharp先好睇d)

黑臉琵鷺呀, 見到既都有廿幾隻. 隻隻都好努力搵食.

最開心係冇咩心理準備既情況下, 第一次見到翠鳥.

(不過, 真係好遠, 好細粒)

仲有呢隻, 唔知係咪都係翠鳥?

[網友話第一幅翠鳥叫係叫 "白胸翡翠", 第二幅翠鳥叫 "藍翡翠", 個名好正. ]

70-300VR 小評

尋日走0左去濕地公園試鏡. 覺得枝鏡都幾幾sharp (不過, 冇我枝龍仔A16咁sharp), 色水nikon一貫水準.

7百幾gram, 重量都okay, 我習慣唔用頸帶, 加埋我部D50拎0左成大半日都唔會話好手軟. 個焦距環好橡膠, 幾黏手既感覺, 初初用個時感得幾特別. 金屬環接機身位置有防水膠邊, 我用緊d cheap鏡係冇呢個設計. 比人高級d既虛榮感.
AFS都幾快, 不過慢過我枝sigma既HSM (不過個range唔同, 咁比都唔多公平)
枝鏡係我第一枝有VR既鏡, 室內影野真係好方便. 300mm既用 1/15 sec快門影出來都唔會覺好手震.
下面呢張用 1/10 sec快門, 112mm, D50 jpeg直出. 雖然唔係話好sharp, 但唔覺明顯既手震.

1/15 update
加多幅300mm用1/10 sec拍, 睇睇VR防手震既效果.

100% crop出來. 見到d細字有d朦, 不過可能係我部D50得6M問題. 不過能夠用 1/10 sec 快門, 真係完全可以接受.

等0左佢2個月...

今日終於收到電話... 我即刻出去接佢...
我的第一枝有VR既鏡頭.
我諗nikon有咁多diehard fans, 都係咁培養出來. 試問一枝要你等幾個月既鏡頭, 你都唔會輕易將佢賣走啦.
希望聽日個天好d, 可以去試鏡.

皇帝唔急太監急

做0左咁耐野, 都未試過做Engineer對d單仲要緊張過做Sales.
好多野仲要掉轉頭吹番個Sales做, 大佬, 依家d單係邊個收commission, 真係世界變啦.

咁就冇0左2千幾miles

有程由Boston去LA既機冇同我入asiamiles, 想claim番原來要張boarding pass既正本. 都成2個幾月前既事, 仲邊有可能keep低. 而且我既習慣係從來都唔會keep. 估唔到今次真係出事, 咁就冇0左2千幾miles.  差唔多係3次來回台北既距離.

今日既"伴工"大碟

來緊幾日好多野都要趕deadline. 一定要拎隻碟來一路聽一路做, 減減壓先.
隨手就抽0左呢隻碟, 原來都幾適合做  "一路聽一路做" 既 "伴工" 音樂.
01. 我生
02. 敢死隊
03. 愛美麗
04. 不如留低我
05. 重複犯錯
06. 黑仔
07. 花灑
08. 愛恨交纏
09. 愛得太遲
10. 約定你
11. 往生

踏出了一小步

踏出了學西班牙語的第一步. 老實講, 臨老先去學外語, 一定冇後生時咁快上手. 英文細個學0左十幾年都仲係半桶水, 所以今次既目標係希望能作簡單溝通就算達到目的.
 諗0左好耐, 點先可以迫自己好好去學西班牙語. 我諗第一步應該從language structure起. 雖然我都估讀工聯會應該係冇咩用. 不過我今日都去報0左, 算係第一步迫自己去學. 我諗點廢讀完對language structure都會有d認識卦.
專登揀星期六下午, 希望未來幾個月d schedule夾得好d, 小d走堂.

台灣人的傻可愛

0係酒店隨便用部notebook 一 search, 已經有成十個冇落password既wireless AP. 人地咁大方, 我當然會好好利用同公司慳番d 0係酒店既上網費用. 
可能大家都會覺得點解會咁傻唔set password, 不過諗真, 最多都係比人share來上下網, 都唔會有咩大損失. 有時反過來會諗, 會唔會係香港人咩事都太過serious, 欠缺0左台灣人果份傻可愛呢?

新年快樂

1月1號. 見個天都幾好天, 影低佢先. (香港見到藍天既機會越來越少)
新一年, 好多野想學好佢, 希望能夠0係2007年完成.
祝各位新年快樂, 心情日日都好似今日天氣咁靚.
新一年第一日就要飛, 果然係個好開始.