Lahore 拉客爾

今次只係帶0左枝 50 mm影下 snapshot.
機場都有d當地建築特色.

間Holiday Inn同一般酒店冇分別, 只係有d用品方便朝拜.

有半日清閒, 鼓起勇氣行0左出酒店. 人車爭路既情況好普遍.

仲有唔少馬車, 驢車.

大件, 細件, 總之條路得個亂字.

可以坐既交通工具, 以下就係其中一種. 一般 Rs 50.

當然仲會有巴士, 不過當時未有膽去試.

條街仲有一d小食賣, 不過我一定唔會試.

條街都幾多呢類圓頂建築.

條街又興擺d舊飛機, 大炮.

去參觀既景點係一個堡壘遺址.

附近仲有個有d似Taj Mahal既建築物, 都幾大座, 可以由下面張相d人既size大約知道有幾大.

入去一定要除鞋. 入面個look都唔錯.

呢個係皇帝聽政既包廂.

舊有既炮管.

跟住去0左博物館. 附近有個大學區. 又係紅磚砌.

博物館都係離唔開之前打仗既兵器.

雕塑等等. 不過由於冬天4點鐘關門, 沒有時間細心睇d註解.

題外話, 曼谷新機場好大下, 轉一轉機分分鐘行你, 十幾二十公鐘.

冇啦啦做埋親善大使

今次出trip, 因為夜晚機番香港, 有成大半日可以出去行下. 上次因為partner既忠告及0岩0岩有中國人遇害, 所以上次完全冇出過去行. 所以今次算係第一次正式一個人走出酒店.
網上search下到底有咩好行, 介紹見到可以到Lahore Fort睇下. 老實講, 一行出酒店, 真係好多目光望住你, 冇法啦, 呢幾日連埋0係酒店, 見到既東亞人, 5隻手指數得晒. 想像下你屋企門口突然有個非洲土人經過, 你都會啤住佢.
上0左架3輪汽油車(唔識點叫好), 個司機唔識英文, 不過佢都好人, 沿途一路問睇來識英文既人, 當然最後都搞清楚去邊. 沿路成氣街都係死氣, 生活0係呢度既人一定慘過香港人好多.
去到Lahore Fort, 成個景點又係一個華人都冇, 西人都係得2, 3個. 可能最近胡總理到訪對佢地來講都幾大件事(起碼依家佢地知道中國人同日本人, 韓國人既樣貌係唔同), 入到個景點, 開始有人3唔識7走埋來握手, 又問我住邊, 中國點樣點樣, 對Lahore覺得點. 佢地基本上都好友善, 所以一般都回以禮貌既微笑同答得都答. 行0左2個鐘, 我諗我同二, 三十人握過手, 四, 五班人一齊合照過. 本來佢地咁友善, 同佢地吹下水都okay, 問題係我唔係來做親善大使, 我係遊客咋, 比小小空間我影下相好唔好.
所以最後, 有好多人好遠叫 "你好" 招手叫我過去, 我都只係禮貌上揮下手, 之後冇理佢地.
PS. 更新少少野. 尋日番曼谷既機上, 居然比我遇到香港人, 又係一條友去lahore, 仲係同行. 估唔到除0左我, 真係有香港人去lahore做野. 

中國國家地理

尋日出去本來諗住買HD-DVD 個drive, 點知冇貨.  經過書局時就被佢吸引住. 原因好簡單, 封面係用梅里雪山(緬茨姆峰)做封面. [其實本書都出0左一排, 不過一直冇留意到, $68]
本書係介紹中國最靚既地方, 有最美既十大名山; 五大湖; 六大古鎮; 六大草原; 仲有好多幾大物物.  每個topic都有排名(都幾攪野) , 好似梅里雪山係排第四. 不過編輯們以梅里雪山做封面, 可見梅里雪山0係編輯門心目中既地位. 
本書應該可以比到我下次自遊行既方向, 而且亦可從中偷下師, 睇下人地點影風景相.

返工的感覺

今日好有以前既返工feel, 晨早著衫, 西褲, 迫地鐵, 去到個partner既office, 0係佢地既conference room做野. lunch hr去附近既快餐店同人爭位食lunch.  放工行下cd鋪, 等巴士番屋企, 完完全全係以前既生活. 感覺原來都唔錯.
人就係咁, 當你日日朝九晚六, 迫車迫地鐵, 你就羨慕可以0係home office做野. 當你0係home office做野, 你就反而想過番d正常既office生活.
不過你問我, 我真係比較喜歡過番d正常既office生活.

Day 8 (11/10) - 天晴 (完)

昨晚算是比較睡得足的一晚, 房間105晚上11時多關燈, 睡了7個多小時, 習慣了梅里客棧的電暖氈, 睡在青年旅舍的一晚, 感覺有點冷.
廿元打的到機場, 其實機場真的很近, 我想如果走直線距離, 走路一個多小時都能到. 飛機十時多到達昆明機場, 因為到深圳的飛機要2時多才起飛, 所以出了昆明市中心走了一趟. 主要希望做兩件事.
第一件事是吃過橋米線, 來了雲南沒理由一餐過橋米線也沒吃過.

第二件事是看看翠湖公園的紅咀鷗, 三年前的情景還歷歷在目.

先把行李寄存在機場(rmb 5 / 4hrs). 打的去了翠湖公園附近江氏兄弟的橋香園, 要了個廿元過橋米線餐, 米線是幾可口, 不過印象中, 三年前在麗江吃的更好味道, 而且用料更多, 份量更多. 

起初也沒有印象走那個方向可到翠湖公園, 但一抬頭看天, 便見不遠處有一些紅咀鷗在半天飛翔.

可能還是11月初, 紅咀鷗的數量不及三年前多. 不過都足以令公園內的遊人樂透了, 而我亦可以影了不少她們的玉照.

乘坐的飛機4時多回到深圳機場, 深圳的天空也是灰朦朦. 看來香港也是一樣. 香港已經越來越少能見到藍天的日子. 真的希望將來我們也可以不用到外地也能欣賞及影到蔚藍的天空.
出了機場, 乘坐到黃崗的機場巴士在途中出了事, 攔腰撞上了一輛切線的私家車, 可幸衝力不大, 沒人受傷, 估不到在彎在路窄的雲南沒遇上交通意外, 竟然在又直又闊的深圳公路遇上交通意外.
短短的一個星期香格里拉之旅終於完結了. 好像發了一場好夢, 夢醒了, 只有美好的回憶, 及充電後飽滿的精神. 又要重新回到現實世界. 每個人對香格里拉都有自己的定義, 中國硬把中甸“法定”成香格里拉, 或多或少破壞了不少人心中的日月. 我是比較簡單, 只要是個能令我暫時完全放開現實生活的地方, 像雨崩手提電話也接收不好, 我的老板也找不到我的的地方, 便是我心中的日月.
說也奇怪, 原來每次自助遊, 我無意中都會想去看雪山, 麗江的玉龍雪山, 黃山的雪景, 西藏的喜瑪拉雅山, 到這次的梅里雪山. 下次會去那一個地方, 暫時還未想到. 

希望在將來的旅途中遇到大家.  多謝各位收看.